كراكيب.. مقهى صديق الحيوانات بيعيد إيماننا بالإنسانية

الرحمة بالحيوان بقت من الحاجات اللي بيهتم بيها المجتمع، فبنلاقي الكُل في مجاله بيحاول يساعد قدر المستطاع، فمثلًا بعض المحلات بتاعت أكل الحيوانات بتوفر وجبات مجانية علشان يدوها لكلاب وقطط الشوارع، وكمان كتير من اللي بيحبوا الحيوانات بيحرصوا إنهم يحطوا مياه وأكل في الشارع أو حتى قدام باب بيتهم، علشان يقدر الحيوان اللي مالوش أصحاب أو اللي محتاج إنه يأكل.. وكمان على السوشيال ميديا، بنلاقي حملات من الشباب لحماية قطط وكلاب الشوارع من أي حد بيحاول يسممهم أو يتخلص منهم.

ومن المبادرات الجميلة اللي عملتها أحد المقاهي، هو كراكيب اللي موجود في الدقي، اللي مش بس بيوفر مكانه كبيت استضافة للكلاب البلدي، ولكنه كمان بيطعمهم، علشان يحافظ على سلامة الزباين، والعاملين بالمقهى، والكلاب نفسهم.. وممكن كمان الزباين يجيبوا معاهم حيواناتهم الأليفة علشان يعيشوا التجربة كاملة.

وبعيدًا عن اللافتة اللي كلها إنسانية ورحمة، فالمقهى نفسه عنده قايمة الأكل مليانة باختيارات كتيرة ما بين السلطة والمشويات، والمقليات، والبيتزا والسوشي! فإيه أجمل من مكان بيغطي كل اللي ممكن تبقى عايزه من الأكل، وبرضه في نفس الوقت بيغطي احتياجاتك العاطفية من الحنان والحب اللي الكلاب البلدي هتبقى مستعده تقدمهولك وببلاش.

آخر كلمة: ماتفوتوش قراءة: “Dogs Fresh Food مشروع جديد بيوفر أكل طازج لكلاب وقطط الشارع“.

تعليقات
Loading...
Tweet
Share
Share
Pin