قبل الختام.. ليه لازم تروح مهرجان الشيخ زايد التراثي

مكان واحد بيجمع تراث محلي وعالمي من كل الدول باختلاف ثقافتها وتراثها، مهرجان الشيخ زايد التراثي اللي بيقام في العاصمة الإماراتية أبوظبي، وبيجمع بين الطابع المحلي والطابع العالمي، وبيكون وجهة مميزة ونافذة ليك على ثقافات مختلفة، بيقام من شهر نوفمبر لحد شهر فبراير، قدامك فرصة لحد يوم 20 فبراير إنك تروح المهرجان وماتفوتش فرصة إنك تتعرف على حاجات جديدة، وإحنا هنعرفك إيه اللي فاتك من فعاليات في الفترة اللي فاتت دي، وليه لازم تلحق تروحه، وتقدر تحجز تذاكر من الموقع الرسمي للمهرجان.

منتجات متنوعة وحرفيين وورش تفاعلية جماهيرية بتخدم هدف ورسالة وتطلعات كل الجنسيات والثقافات، وتجارب كتير بيخوضها الزوار في المهرجان علشان يتعرفوا على حضارات العالم، ومشاهد حية بتعبر عن كل بلد، وبتقدم مختلف الفنون والألعاب وقصص عن صناعات وأزياء وحرف تقليدية وأمثال شعبية محفورة في الذاكرة الشعبية وبتنقلها الأجيال.

كل بلد بتشارك بجناح خاص بيها وبيعبر عن ثقافتها، والأجنحة بتقدم منتجات وورش تفاعلية تعليمية تثقيفية وترفيهية، علشان تلبي كل حاجة الزوار محتاجينها، وتوصل لاهتمامات كل أفراد الأسرة، وبيهتموا بأصغر التفاصيل يعني مثلًا أول ما تروح جناح لبلد السعودية هتستقبلك روائح العطور والبخور بتفوح من محلات الجناح.

الزوار بيستمتعوا بفعاليات تانية بتبدأ من الساعة 4 العصر كل يوم، زيّ تحدي الرماية بالليزر، وعروض جمال الخيل العربي في ميدان الخيل، اللي بتقام من الساعة 5، وعروض موسيقى تراثية وعسكرية كل يوم بتلف أجنحة المهرجان طول اليوم، وكمان في ملاهي عالمية، وكيدز نيشن وده مكان مخصص للأطفال.

آخر كلمة: ماتفوتوش قراءة: مهرجان دبي للتسوق وتجربة استثنائية لأحلى المأكولات.

تعليقات
Loading...
Tweet
Share
Share
Pin