قانون جديد لمواجهة الأوبئة: كل اللي محتاج تعرفه عن القانون وإجراءاته

الرئيس عبدالفتاح السيسي صدّق على قانون رقم 152 لسنة 2021، بشأن إجراءات مواجهة الأوبئة والجوائح الصحية، لمنع تفشي الأمراض والسيطرة عليها. القانون بيضم 25 إجراء يتخذهم رئيس الوزراء في حالة تفشي الأوبئة لمواجهة أخطارها، بما يحفظ الصحة والسلامة العامة، الإجراءات دي من أهمها تعطيل الدراسة وتعطيل العمل إذا لزم الأمر، إيه هي باقي الإجراءات اللي بينص عليها القانون؟

من وضع قيود على حرية الأشخاص في الانتقال أو التواجد في أوقات معينة، وتعطيل العمل بشكل جزئي أو كلي في الوزارات والمصالح الحكومية والقطاع الخاص، وتعطيل الدراسة بالمدارس والجامعات، وتحديد مواعيد فتح وغلق المحلات، كل دي إجراءات من حق رئيس الوزراء يتخذها في حالة تفشي الجوائح الصحية أو الأمراض، لمواجهتها، وتم نشر الـ 25 إجراء في الجريدة الرسمية. ومن المقرر بدء العمل بالقانون بعد نشره بيوم.

القانون هينظم القرارات اللي بيتم اتخاذها في الأوقات العصيبة اللي بتتعرض لها البلد في حالات تفشي أوبئة خطيرة زيّ كوفيد-19، والمتحورات الجديدة اللي بتظهر كل فترة وبتخلي العالم كله يعيد حساباته للحد من الخسائر البشرية والمادية اللي للأسف العالم كله واجهها من بداية انتشار كورونا لحد دلوقتي. الإجراءات اللي بينص عليها القانون هتساعد في دعم وتنظيم اتخاذ القرارات بشكل منظم وتحت مظلة قانون محدد.

آخر كلمة: ماتفوتوش قراءة: ليه المتحور الجديد أوميكرون هو الأخطر لحد دلوقتي؟

تعليقات
Loading...
Tweet
Share
Share
Pin