في مرة هي الأولى في التاريخ، 32% من اللي قدموا على برنامج رواد الفضاء الإماراتي بنات!

في العالم العربي، ولسنين كتير، أدوار الراجل والست كانت شبه محفوظة في الذهن المجتمعي، وللأسف كتير من الممارسات اللي كانت بتحصل في إطار الأدوار دي سلبت بنات كتير من حقوق زي التعليم والاستقلال، بس مع مجئ القرن الواحد والعشرين، وبعد ما مفكرين كتير من الجنسين حاربوا عشان يحققوا المساواة، كتير من العادات دي اختفت، بس كان لسه في قيود تانية من شكل آخر.

في ناس لحد يومنا ده بتقول إن في شغلانات “صعبة” على البنات وبكلامهم ده بيحاولوا يحبطوا ملايين من البشر حوالين العالم. بس في إحصائيات جديدة اتنشرت على حساب تويتر الخاص بالشيخ محمد بن راشد آل مكتوم -نائب الرئيس ورئيس وزراء دولة الإمارات العربية المتحدة وحاكم إمارة دبي- وضح إن من أصل 4300 متقدم للتطوع في برنامج رواد الفضائي الإماراتي، 1400 منهم كانوا بنات بيسعوا يحققوا حلم إن حد منهم يكون أول مرأة عربية في الفضاء.

“فخور بالرغبة .. فخور بالشغف .. فخور بأبناء الوطن ..” قالها الشيخ محمد بن راشد قبل ما يختم تصريحه في محاولة منه لتشجيع كل الإماراتيين في أي مكان في العالم.

السنة اللي فاتت رائد الفضاء الإماراتي هزاع المنصوري كان أول إماراتي في العالم يبعد كل المسافة دي عن أرض بلده ويطلع لحد محطة الفضاء العالمية.

أخر كلمة: التقديم على باب رواد الفضاء فتح في شهر ديسمبر 2019 وهيستمر لحد مايو 2020.

تعليقات
Loading...
Tweet
Share
Share
Pin