في عيد ميلاده، ازاي أفلام عادل إمام اتكلمت عن الأوضاع السياسية في البلد؟

“أنا الزعيم” جملة قالها عادل إمام في مسرحية من مسرحياته ومن بعدها اتحولت حقيقة وبقى هو الزعيم، مسيرة عطاء استمرت لأكتر من 60 سنة، ناقش فيها مختلف القضايا في الوقت ده، اتكلم عن مواضيع شائكة بمنتهى الخفة والسلاسة، علشان كده معظم أفلامه وإن ماكانتش كلها معلقة معانا لحد دلوقتي.

أما بالنسبة لأعماله اللي اتناولت قضايا سياسية واللي اتعرض بسببها للتهديد فهى تعتبر كتير، هنتكلم النهارده عن معظمها.

السفارة في العمارة

فيلم اتكلم عن الصراع العربي الاسرائيلي من خلال شخصية المهندس اللي لسه راجع من الخليج واكتشف بعدها إن سفارة اسرائيل في الشقة اللي قدامه، و هيتعرض لمشاكل كتير من بعدها وهيرفع قضية على السفارة ويرفض التطبيع مع اسرائيل، وهيختتم الفيلم بجملته الشهيرة ” يا أنا يا السفارة في قلب العمارة”.

الإرهاب والكباب

” حاجات كتير هترخص وتبقى بسعر التراب، أنا وحضرتك والناس أجمعين”

فيلم تم انتاجة سنة 1992، سيناريو وحيد حامد ولما وحيد حامد بيجتمع مع عادل إمام بيعملوا حاجة فوق العظمة، الفيلم بيتكلم عن مواطن مصري بسيط وأحلامه بسيطة ومش عارف يحققها فتجبره الظروف إنه يشيل سلاح ويتقال عليه إرهابي، الفيلم كله بيدور تقريبًا في مجمع التحرير، ويمكن اختار وحيد حامد المكان ده بالذات لإنه بيعبر عن كل طبقات الشعب المصري ومشاكلهم وأحلامهم.

الإرهابي

البوابة نيوز: أفلام سينمائية واجهت الإرهاب.. وحيد حامد وعادل إمام يقدمان 3  أعمال.. يوسف شاهين يعود لجذور الماضي.. وعز ورمضان وهشام يقدمون أحدث الأعمال
عن: البوابة نيوز

فيلم اتقدم على الشاشة سنة 1994 من إخراج نادر جلال، اتكلم عن التطرف الديني والإرهاب بشكل جريء، واللي بسببه اتعرض عادل إمام لتهديدات كتيرة بسبب إن الفترة دي اتعرضت مصر لعمليات إرهابية كبيرة وخاصة في منطقة الصعيد لدرجة إن الداخلية قامت بتوفير حراسة مشددة أثناء تصوير الفيلم.

طيور الظلام

هذا الفيلم خيال سينمائي بحت.. وأي تشابه بين الخيال والواقع يكون مجرد صدفة”

جملة اتقالت في بداية الفيلم بس حصل العكس تمامًا، اللي حصل إن الفيلم اتنبأ بتفاصيل اللي حصل في البلد في الفترة الأخيرة، وهو اللي انتهت عليه الحال برموز النظام السابق والمعارضة في سجن واحد. اتكلم عن الإخوان وأعضاء الحزب الوطني والانتهازيين ومتلازمة الفساد.

حسن ومرقص

فيلم تم انتاجة سنة 2008 اتكلم عن موضوع شائك وكتير بيتجنبوا يتكلموا فيه، اتكلم عن الفتنة الطائفية وازاي ممكن نتسبب في صنعها واحنا مش حاسيين، وازاي ناس أصحاب رأي والمفروض إنهم عندهم وعي ديني وبيوجهوا الناس، ممكن يضللولهم بمنتهى السهولة.

مشوار عادل إمام الفني أكبر من إننا نتكلم عليه، لإنه “نمبر وان الحقيقي”، مشوار ماتعملش بالساهل يستحق تكريم عليه كل يوم.

أخر كلمة: ماتفوتوش قراءة: شاركت في أكتر من 140 عمل فني.. حاجات مانعرفهاش عن نادية العراقية

تعليقات
Loading...
Tweet
Share
Share
Pin