في الصيف: نصائح علشان تحافظي على ثبات المكياج أطول فترة ممكنة

بنواجه مشكلة في الصيف وخصوصًا في أيام الموجات الحر الغير طبيعية دي، إن المكياج بيبوظ بسرعة ويسيح والموضوع بيبقى مش لطيف خالص، ويمكن معظمنا بيلجأ لإننا نقلل المكياج وساعات بيوصل الموضوع إننا مانحطش خالص، بس لو حابين نحط أو عندنا مناسبة أو خروجة، ازاي نحافظ على المكياج بشكل كويس وثابت لأطول فترة؟ حبينا نجاوب على السؤال ده بنصائح من خبراء التجميل والميكاب اللي بنثق في رأيهم، وقالوا على نصائح بسيطة ممكن نعملها تخلي المكياج يثبت بشكل أحسن في الصيف.

  • في البداية، أغلب خبراء التجميل بيأكدوا دايمًا على ضرورة استخدام الـ Sunblock علشان نحافظ على بشرتنا من أشعة الشمس، كمان الاهتمام بترطيب البشرة قبل المكياج بمرطب خفيف مفيهوش زيوت في مكوناته، علشان نحافظ على البشرة قبل وضع أي مكياج.
  • ضمن الـ Tuesday tips اللي بنستناها كل أسبوع، آية عبدالحميد نشرت في فيديو ليها على انستجرام طريقة بسيطة علشان الفاونديشن يثبت بشكل أحسن، تعالوا نشوف ازاي.

ومن هدى قطان وبمستحضرات Huda Beauty، فيديو hack للبشرة في فصل الصيف، تعالوا نشوفه.

  • يعتبر استخدام برايمر قبل المكياج خطوة مهمة علشان يكون طبقة حاجزة بين البشرة والمكياج، وبيمتص الزيوت اللي بتفرزها البشرة، ومهم يكون البرايمر matte.
  • كمان في hack بسيطة، وهي تمرير قطعة تلج على البشرة قبل وضع المكياج، علشان بيساعد في قفل المسام وشدها، وده بيدي مظهر أحسن للمكياج ويساعد إنه يدوم لفترة أطول، وطبعًا بيساعد مع ده، استخدام فاونديشن matte غير لامع.
  • البعد عن تطبيق المكياج بالإيد واستخدام الفرش المخصصة لكل مستحضر تجميل، علشان تحصلي على أحسن نتيجة.
عن: هي
  • استخدام Eye Shadow سائلة والبعد عن النوع الكريمي، لإن الكريمي مع الوقت بيكون كتل فوق العين وبيسبب مظهر مش حلو، لكن السائل هيكون اختيار أحسن.
  • استعمال مستحضرات تجميل water proof واختيار أنواعها بدقة، علشان متتأثرش بالزيوت والمياه اللي بتفرزها البشرة وتحافظ على ثباتها لوقت أطول

آخر كلمة: ماتفوتوش قراءة: في موجات الحر دي: ازاي تحمي نفسك من ضربة الشمس وازاي تعالجها

تعليقات
Loading...
Tweet
Share
Share
Pin