في السعودية: أضخم رجل في العالم خس أكتر من 480 كيلو في تحول درامي

انتشرت خلال الأيام اللي فاتت صور جديدة لمريض السمنة السابق خالد محسن الشاعري، صاحب لقب أضخم رجل في العالم، حيث كان وزنه أكتر من 608 كيلو وهو عنده 17 سنة.

أضخم رجل في العالم
عن: twimg

وفي الصور المنتشرة مؤخرًا على السوشيال ميديا ظهر “الشاعري” في سن 29 سنة، بشكل مختلف تمامًا عن اللي كنا نعرفه عنه في 2013، بعد ما خسر أكتر من 80 في المية من وزنه بمقدار أكتر من 546 كيلو.

أضخم رجل في العالم
عن: sayidy

ومن الجدير بالذكر إن الملك عبدالله -ملك المملكة العربية السعودية السابق- كان وفر كل السبل لعلاج الشاعري في سنة 2013، وتم نقله لواحدة من المستشفيات المتخصصة في العاصمة الرياض؛ علشان يتعالج من السمنة المفرطة اللي كان بيعاني منها.

أضخم رجل في العالم
عن: sayidaty

في 2013 كان الشاعري مراهق مش بيفارق أوضة نومه من 3 سنين، بعد ما وصل وزنه لـ 609 كيلو، وأصبحت حركته مستحيلة. في الوقت ده قرر الملك عبدالله يخصص تكتيك مخصوص علشان ينقذ المراهق الملقب بأضخم رجل في العالم، من السمنة المفرطة اللي وقفت حياته تمامًا.

أضخم رجل في العالم
عن: rajil

الشاعري، اللي كان في الوقت ده عايش في شقة في الدور التاني. فريق مكون من 30 مسعف وجندي من القوات الخاصة رفعوا الشاعري من سريره. وتم هدم جزء من المبني اللي عايش فيه علشان يقدروا يخرجوه.

أضخم رجل في العالم
عن: alray

واستعملوا رافعة بضائع ثقيلة علشان ينزلوه من الشقة لعربية الإسعاف. وكان من المفروض إن عملية إنقاذه تحصل في وقت قبل كده لكن اتأجلت لإن المستشفى كانت مستنية سرير مصنوع مخصوص للشاعري في أمريكا.

أضخم رجل في العالم
عن: twasul

أخدت طيارة هيليكوبتر محمد الشاعري لمستشفى الملك عبدالله في العاصمة الرياض، وهناك خضع الشاعري لعلاج متخصص علشان وزنه ينزل، وبالفعل وبعد 6 شهور، خسر وزن كتير جدًا، وظهرت صوره على السوشيال ميديا في تحول درامي ما بين المراهق الأضخم في العالم، للشاب اللي وزنه أقل من 65 كيلو النهارده.

آخر كلمة: ماتفوتوش قراءة: إعلان يوسف الحسيني إصابته بمتحور أوميكرون على الهواء مباشرةً

تعليقات
Loading...
Tweet
Share
Share
Pin