في أول ظهور درامي لـ”حمو بيكا”.. جزء جديد من مسلسل “بيت العيلة”

أخبار انتشرت عن وجود جزء تالت من مسلسل بيت العيلة اللي اتعرض أول جزء منه في 2009 ولقى نجاح كبير واتعمل منه جزء تاني في 2010، ودلوقتي بيرجعلنا بالجزء التالت وبيستضيف مطرب المهرجانات حمو بيكا، وده أثار جدل عن دخوله مجال التمثيل، وناس فرحت بده وناس عارضته، مسلسل بيت العيلة بطولة هالة فاخر وشيرين، ومنى هلا، وخالد سرحان، وإيمان السيد، ونجوم كتير، وتم الإعلان عن البوستر للمسلسل في رمضان 2021 من المخرج عادل عوض.

لكن المؤلف عمرو سمير عاطف أعلن عبر صفحته على فيسبوك إنه مش بيشارك في كتابة الجزء التالت من المسلسل رغم إنه هو المؤلف للجزء الأول، وكتب الفكرة والشخصيات الرئيسية وشارك في كتابة الحلقة الأولى من الجزء الأول للمسلسل وبعد كده تولى وائل حمدي الإشراف على كتابة العمل وشاركه السيناريست محمد رجاء، وأخرج الجزء الأول من العمل المخرج محسن أحمد، وكان من بطولة الفنانة القديرة هالة فاخر ورزان مغربي وشيرين وإيمان السيد، ولما المنتج محمد أبو العزم قرر إنه يعمل جزء تاني من المسلسل، عمرو ماكنش بيشارك في الكتابة وقرر إنه يبيع الفكرة والشخصيات لشركة أفلام أبو العزم، ولكن الأخبار حول مشاركة عمرو سمير عاطف في تأليف الجزء التالت من المسلسل واللي بيضم مطرب المهرجانات فهو نفاها تمامًا.

توضيح بخصوص خبر مسلسل حمو بيكا : بعض الاصدقاء لفتوا نظرى لوجود خبر بيقول انى حاليا بأكتب مسلسل ها يقوم ببطولته مطرب…

Posted by Amr Samir Atef on Thursday, March 11, 2021

وانتشر على مواقع لأخبار الفن، أخبار عن إن حمو بيكا هيكون ضيف شرف بس في المسلسل وإنه مش بطولته زيّ ما انتشر، وإنه هيظهر فيه بشخصيته الحقيقية كمغنى مهرجانات، سواء ده أو ده، بنتمنى التوفيق للمسلسل ومستنيين نشوفه في رمضان الجاي.

آخر كلمة: ماتفوتوش قراءة: مسلسلات جديدة هتتعرض خارج موسم رمضان على منصات أونلاين.

تعليقات
Loading...
Tweet
Share
Share
Pin