في أرض السحر والجمال.. أماكن لازم تزوروها في دهب

مفيش شك إن دهب من أكتر المدن الجميلة في جنوب سيناء، إن ماكنش في مصر كلها، فهي مدينة تقريبًا كاملة، لإن جوها مميز وجميل في فصل الشتا والصيف، ومناظرها الطبيعية تاخد العقل بسحر جمالها، وبيزورها السياح من كل حتة من جوا ومن برا مصر، وبحر دهب بيخليك تنسى كل حاجة، وتقدر تستمتع بالهدوء وتستجم بجمال الطبيعة ونقاء الجو، وهي مناسبة لسفر العائلات والصحاب، ومش هتصرف هناك كتير، وبيتوفر فيها كل الخدمات ومختلف الأنشطة زيّ تسلق الجبال، وركوب الدراجات، والغوص.. فتعالوا نشوف الأماكن اللي لازم تزوروها في دهب علشان تطلعوا بأحلى الذكريات من السفرية.

محمية نبق

عن: rassd

ودي موجودة على خليج العقبة في المنطقة اللي بين شرم الشيخ ودهب ووادي أم عدوي في محافظة جنوب سيناء، وفي سنة 2010 تم استخدام المحمية كشواطيء آمنة للسياح علشان يمارسوا رياضة السباحة.

محمية أبو جالوم

عن: almalnews

محمية أبو جالوم بتطل على خليج العقبة بين شرم الشيخ وطابا بمنطقة وادي الرساسة، وبتتميز بإن الجبال قريبة من الشواطيء.

جزيرة كورال

تم تصنيف الجزيرة كواحدة من أفضل أماكن الغطس على الإطلاق لإن فيها شعاب مرجانية بديعة وقريبة من سطح المياه، يعني سهل جدًا تشوفهم حتى لو أنت مش محترف في الغطس.

جزيرة لاجونا

جزيرة لاجونا تقريبًا هي الشاطيء الرملي الوحيد في دهب، يعني هتقدروا تستمتعوا بالبحر والمنظر الطبيعي الجميل.

البلو هول

واتسمت كده علشان هي عبارة عن حفرة عميقة جدًا للغوص، ومن أشهر الأماكن اللي موجودة في دهب، وبيروحها سياح كتير.

الكانيون

عن: marotours

من الأماكن السياحية المميزة في دهب، ومليانة شعاب مرجانية، وهي مكان مناسب للغواصين المبتدئين علشان عمق الشاطيء صغير.

ايل جاردن

عن: travil.io

ايل جاردن من الشواطيء اللي فيها أسماك نادرة كتير، وممكن تغطس هناك جنب الأسماك دي وهتحس بمتعة كبيرة.

وادي قني

عن: wikimapia

هناك هتقدر تركب البيتش باجي، وتتوغل بين الجبال في الصحراء، وتقعد في خيمة بدوية، وتشرب الشاي البدوي الجميل، وتأكل اللحوية المشوية على الطريقة البدوية المعروفة.

المسبط

منطقة المسبط من المناطق التجارية الرئيسية هناك، وفيها مطاعم وقهاوي ومحلات تجارية كتير، ده جنب نوادي الغوص.

آخر كلمة: ماتفوتوش قراءة: “حلم ده ولا خيال”.. كل اللي محتاجين تعرفوه عن بحيرة النيزك الفيروزية بمرسى علم.

تعليقات
Loading...
Tweet
Share
Share
Pin