عمرو يوسف ممكن يكون كسب سباق مسلسلات رمضان من دلوقتي!

     مصر كانت دايمًا رائدة في المنطقة في مجال المسلسلات التاريخية. لكننا ماشوفناش من سنين عمل فني تاريخي على مستوى عالي بينافس  على ساحة الدراما في رمضان. حتى مسلسل خالد النبوي الأخير “ممالك النار” واللي نال إعجاب واهتمام ملايين الجماهير في الوطن العربي في الفترة الأخيرة ماتعرضش في رمضان.

لكن الفنان عمرو يوسف يقدر يغير السيناريو دا السنة دي من خلال العمل اللي هيرجع بيه لسباق رمضان التليفزيوني واللي بيُعتبر أكثر أعمال رمضان 2020 جاذبية للجماهير في الوقت الحالي وبننتظره بشدة. عمرو هيعمل دور البطولة في مسلسل عن حياة واحد من أشهر وأحب الشخصيات التاريخية إلى قلوب الجماهير في العالم الإسلامي والعربي؛ خالد بن الوليد.

رمضان القادم هيكون بالفعل فيه منافسة شرسة بدأت كمان من دلوقتي ما بين مجموعة من أقوى الأعمال اللي هتنضم للصراع بقائمة طويلة من نجوم التمثيل في مصر. بس في الوقت اللي هيكون فيه كل المشاهير بينافسوا بعض في الإطار الكوميدي أو الدراما أو الأكشن، هيكون عمرو يوسف في حتة تانية خالص بمشروع مسلسله الواعد.

المسلسل مستوحى من رواية العقاد الشهيرة “عبقرية خالد”، وتم كتابته للتليفزيون بقلم إسلام حافظ. المسلسل كمان هيُخرجه المبدع رؤوف عبد العزيز والإنتاج لتامر مرسي. ومن أشهر النجوم اللي هيظهروا في المسلسل بيومي فؤاد، وبسنت شوقي، ولبنى ونس وأحمد عزمي.

آخر كلمة: أنهي أكتر مسلسل في رمضان مستنيه؟ شاركنا رأيك.

تعليقات
Loading...
Tweet
Share
Share
Pin