“شكوتك” منصة رقمية جديدة لبحث شكاوي العنف ضد المرأة

الاهتمام بقضايا المرأه شهد تطور كبير وعظيم خلال الفترة اللي فاتت، وأخيرًا قرر عدد كبير من البنات والسيدات في مصر أنهم يكسروا حلقة الصمت وحاجز الخوف ويتكلموا عن أنواع العنف والتحرش اللي بيتعرضوا ليه كل يوم. استخدمت المصريات الشوشيال ميديا كوسيلة للتعبير عن نفسهم والإبلاغ عن الجرائم اللي اتعرضوا ليها، والمجلس القومي للمرأه كان بيدعم حركات تمكين المرأة بكل السبل الممكنه في أكتر من قضية تحرش واغتصاب سمعنا عنها مؤخرًا.

وبالإضافة للجهود الفردية لتمكين المرأة المصرية على السوشيال ميديا، تم الاتفاق في اجتماع اتعمل يوم الثلاثاء بين وزير الإعلام الدكتور أسامه هيكل، والدكتورة مايا مرسي رئيسة  المجلس القومي للمرأة، علي إطلاق منصة جديدة باسم “شكوتك”. والمنصة دي هتقدر البنات والسيدات المصريات إنهم يبلغوا عن أي نوع من أنواع العنف اللي ممكن يكونوا بيتعرضوله من خلالها. والشكاوي اللي هيتم الإبلاغ عنها هيتم التعامل معاها بشكل جدي، وسري في حالة عدم رغبة البنت أو السيدة في إظهار هويتها. وإرسال الشكاوي هيكون عن طريق الإيميل ل shakwtek@smoinfo.gov.eg أو برسالة واتساب علي رقم (01555558756).

وبالإضافة لشكوتك، التعاون بين المجلس القومي للمرأة ووزارة الإعلام المصرية هيشمل أوجه تانية مختلفة زي وضع خطة لتسليط الضوء إعلاميًا علي دور المرأة المصرية وأهميتها في المجتمع عن طريق الأعمال الدرامية والفنية اللي هتتعرض علي التليفزيون المصري الفتره اللي جاية، بهدف تعزيز مكانتها وتغيير أي صوره ذهنيه خاطئة أو سلبية عنها.

آخر كلمة: متفوتوش قراءة “إيد واحدة” منصة اجتماعية جديدة بتنضم للخطوط الأولى لمواجهة العنف ضد المرأة

تعليقات
Loading...
Tweet
Share
Share
Pin