“سكوادي جنبي”.. ببجي تحتفل بالذكرى التانية السنوية ليها

مفيش شك إن لعبة ببجي من أكتر اللعب اللي اتشهرت من أول إصدار ليها وكانت الأشهر بين الشباب والأطفال وأحيانًا كمان الكبار، والناس بتلعبها في كل وقت وتلاقي دايمًا الصحاب بيتفقوا يدخلوا جيم سوا، وببجي بتحتفل بالذكرى السنوية التانية على إطلاقها، وبالمناسبة دي قررت الاحتفال بإطلاق أغنية “سكوداي جنبي”، الفيديو الموسيقي الأول من نوعه وموسيقى عربية جوا اللعبة كمان، بصوت النجمة العراقية نور ستارز.

واللعبة تم إطلاقها بالنسخة العربية في ديسمبر 2018، كجزء من حرص اللعبة على إنها توصل لجمهورها بلغته المفضلة، ومن وقت إطلاقها رحب الجمهور بيها وبقت مكانتها بتتطور بسرعة للأقوى من خلال بطولات وفعاليات خاصة، بما فيهم “ببجي موبايل تحدي النجوم” اللي تم في المنطقة العربية، وكمان احتفالات الذكرى السنوية التانية للعبة هتشمل سلسلة كاملة من التحديات جوا اللعبة والفعاليات الخاصة للاعبين مع فرصة للفوز ببعض الجوائز والمكافآت سواء جوا اللعبة أو برا.

اقرا كمان: تحديث ببجي الجديد: مود الفراعنة والأهرامات بالإضافة لأسلحة جديدة.

الأغنية تم تأليف لحنها مخصوص للعبة ببجي موبايل وبتسلط الضوء على قوة الفريق والروح التعاونية اللي بتميز اللعبة، مع صوت أسطورة اليوتيوب نور ستارز، واتعمل للأغنية فيديو موسيقي مليان بالتشويق لإضفاء الحيوية للأغنية، بتظهر في الفيديو نور وفرقتها وهما بيقوموا بحركات رقص لابسين أزياء ملونة مستوحاه من مجموعة ملابس حصرية متوفرة للشراء جوا اللعبة.

آخر كلمة: تقدروا تحملوا اللعبة على الأندرويد من هنا، وللآيفون من هنا.

تعليقات
Loading...
Tweet
Share
Share
Pin