دولتشي أند جابانا لأول مرة في العُلا بالسعودية مع عرض أزياء الفرسان

بواسطة: ساره علي

لأول مرة مدينة الُعلا بالسعودية بتستقبل حدث مهم جدًا وهو عرض أزياء من دار الأزياء الإيطالية المشهورة Dolce & Gabbana. مدينة الُعلا من المدن اللي بتعبر عن التراث والثقافة، وبتجمع ما بين الطبيعة والتاريخ. العُلا متميزة بالتكوينات الصخرية والطبيعة الجبلية والرمال المنحدرة، ده غير الوادي المغطى بأشجار النخيل. وده طبعًا هيكون له تأثير أكيد على العرض اللي هتقدموا دار الأزياء خصوصًا إنه هيكون خلال مهرجان شتاء طنطورة. بيتضمن المهرجان فعاليات تاريخية وموسيقية وثقافية علشان تقدر تتعرف أكتر على الحضارة. ده غير الاحتفالات زيّ فنون العُلا ومهرجان العُلا للاستجمام. علشان كده كل الناس مستنية تشوف ازاي هيجمعوا بين ثقافة العُلا وعرض دار الأزياء الإيطالية.

عروض دولتشي أند جابانا (أزياء الفرسان)

عرض أزياء دولتشي أند جابانا هيكون يوم 27 يناير بعنوان عرض أزياء الفرسان الجاي وهيتضمن عروض مجموعة ألتا سارتوريا ,وألتا مودا Alta Sartoria, Alta Moda اللي هيقدموا مجموعة غنية من الأعمال اليدوية. وده تقدير لتاريخ الحرف اليدوية وصناعها. أما مجموعة ألتا جيويليريا فهي بتتميز بالدهب والأحجار الكريمة اللي بتعبر عن الفخامة لدولتشي أند جابانا. مجموعة الأزياء هتكون رجالية ونسائية. وكمان مجموعة من المجوهرات.

ازاي هتفاجأنا دولتشي أند جابانا بالمزج بين الأزياء والثقافة والتاريخ بعرض أزياء الفرسان؟

دولتشي أند جابانا عروضها بتكون ليها طابع مسرحي، وبتقدمها بأسلوب استعراضي، وفي أماكن مميزة زيّ المعابد والمعالم السياحية. وعلشان العُلا هي المحطة اللي جاية فأكيد العرض هيكون مميز جدًا. العرض هيكون خلال فعالية أزياء الفرسان في عكمة، وهو حدث مميز لمهرجان شتاء طنطورة. علشان كده هيكون بعنوان عرض أزياء الفرسان وأكيد كلنا متحمسين نشوف ازاي هيكون المزج ما بين فعالية أزياء الفرسان اللي هيقدموا فيه 12 حصان عربي باكسسوارات وملابس مخصوص للخيول بشكل يتماشى مع عارضين الأزياء والعرض الأساسي للحدث. كمان دار الأزياء هتقدم مجموعة من التصاميم الخاصة في قاعة المرايا المصنفة عالميًا في موسوعة جينيس كأكبر مبنى مغطى بالمرايا في العالم. وزوار قاعة المرايا هيقدورا يختاروا اللي يعجبهم من التصاميم وكمان يتكلموا مع الخياطين الرئيسيين في دولتشي أند جابانا.

وبسبب وجود حدث كبير زيّ ده، فأكيد مدينة العُلا محتمل إنها تكون من مدن الموضة العالمية، وكمان تكون نقطة جذب لأهم دور الأزياء، وده طبعًا بسب جمال الطبيعة الممزوجة بالتراث والثقافة.

آخر كلمة: ماتفوتوش قراءة: في حفل الختام: أبرز الإطلالات في مهرجان البحر الأحمر السينمائي بالسعودية

تعليقات
Loading...
Tweet
Share
Share
Pin