دلوقتي في 7 محافظات: استخراج بطاقة الرقم القومي وشهادة الميلاد أونلاين

للتسهيل على المواطنين وتخفيف الضغط على المصالح الحكومية، وزارة الداخلية بتعلن عن إطلاق خدمات الإصدار الفوري لاستخراج بطاقة الرقم القومي في سبع مدن جديدة في محافظات مختلفة، لتوسيع نطاق تطبيق الخدمات في قطاع الأحوال المدنية للمواطنين، أونلاين أو على الخط الساخن الموحد 15340، وده لاستخراج بطاقة الرقم القومي أو شهادة الميلاد، وكمان وثائق الزواج والطلاق والوفاة، وده متاح دلوقتي في محافظات غير القاهرة والجيزة لأول مرة، في المنصورة وبنها وطنطا وأسيوط والأسكندرية، وقريب هيتم تعميمها في كل المحافظات.

بشكل بسيط، قدامك اختيارين علشان تستخرج الأوراق دي، الاتصال بالخط الساخن 15340، وبعد طلب الخدمة، بيقوم مندوب من مصلحة الأحوال المدنية بالتوجه ليك في منزلك ويسلمك المستند المطلوب، في نفس اليوم، وده على طلب خدمات بطاقة الرقم القومي وشهادة الميلاد ووثيقة الزواج أو الطلاق، وشهادة الوفاة.

الاختيار الثاني عن طريق الإنترنت، وهو إنك تدخل على الرابط من هنا، علشان تستخرج بطاقة الرقم القومي أو القيد العائلي أو شهادة الميلاد، وغيرها من المستندات، في أسرع وقت، وبخطوات بسيطة: هتدخل على اللينك وتسجل بحسابك أو تعمل حساب ليك ببياناتك، وتسجل البيانات المطلوبة للمستند اللي عايز تستخرجه، وتختار الطريقة اللي هتدفع الرسوم المطلوبة للمستند، وتضغط في النهاية على كلمة “موافقة”.

والشرط الوحيد لاستخراج المستندات دي أونلاين أو عن طريق الخط الساخن، إن إصدار المستندات يشترط إن تكون الخدمة المطلوب لنفس الشخص اللي مقدم الطلب، مع توافر شرط تطابق البيانات الخاصة بالمهنة أو الوظيفة.

آخر كلمة: ماتفوتوش قراءة: ضمن الخدمات الحكومية الأونلاين.. تقدر تستخرج أوراقك في دقايق بعيد عن زحمة المصالح الحكومية

تعليقات
Loading...
Tweet
Share
Share
Pin