“خطوتين”: تطبيق جديد بيوفر فرص عمل “بارت تايم” جنب بيتك

نظراً لإن معظم الستات المصريين بقوا في سوق العمل، وبقوا متمزقين ما بين شغلهم وأولادهم، خصوصًا لما يكون مكان الشغل بعيد عن البيت، بقي ضروري نوجد حل للمشكلة اللي بقت مأزمة الأُمهات العاملة. وفعلاً ده اللي ألهم صاحب أبليكشن خطوتين، أحمد باشا، أثناء عمله بحث عن مشاكل الشغل، إنه يعمل التطبيق اللي بيستخدم “اللوكيشين” علشان يقدر يجيب للمستخدم شغل جزئي وقريب من بيته.

عن: Facebook

التطبيق ده مش بس هيبقي مفيد للأمهات اللي بتشتغل وبتقلق على أولادها لما تبقي بعيدة عنهم وقت طويل، ولكن كمان هيبقي مفيد لأي حد سواء راجل أو ست، اللي مثلاً حابين يوفروا ثمن المواصلات ويروحوا مكان قريب، أو حابين يبقي عندهم شغل إضافي علشان يزودوا المرتب. فالتطبيق ده بيوفر فرص للستات والرجال من كل الأعمار، بحد أقصي 6 ساعات عمل ومرتب شهري ثابت.

كل اللي هتحتاج تعمله هو إنك تنزل التطبيق وتبحث عن الشغل المناسب ليك. وهما كل يوم بينزلوا فرص عمل جديدة وفي أماكن مختلفة، وتقدر من خلالهم إنك تقدم عليها. أظن مفيش أحلي من إنك تشتغل في مكان “خطوتين” من بيتك، بعدد ساعات قليل ويمرتب ثابت، مش كده؟

آخر كلمة: فرصة كويسة جدًا لكل اللي بيدوروا على شغل من البيت في الفترة دي.

تعليقات
Loading...
Tweet
Share
Share
Pin