حاول ماتفوتش خسوف القمر يوم الجمعة الجاي! ولحد ميعاده جمعنالكم أحلى صورة للظاهرة دي في المنطقة العربية

0

الخسوف القمري من الظواهر السمائية النادرة اللي بتحصل على الأغلب من مرة لـ 3 مرات في السنة، ومش دايمًا بتيجي فرصة إننا نستمتع بيها بسبب وقع الحياة وضغطها، لكن في الفترة دي، وكلنا قاعدين في البيت هيكون من الجميل لو قدرنا نتفرج عليها ونقدر جمالها وجمال طبيعة كوكب الأرض معاها.

خسوف القمر بيحصل لما القمر بيكون بدر وظل كوكب الأرض بيحجب أشعة الشمس المنعكسة على سطح القمر، وبيكون ليه ثلاث أنواع: خسوف قمري كلي، وخسوف قمري جزئي، وخسوف قمري شبه الظل. الأول بيحصل لما القمر كله بيدخل منطقة الظل بتاعت كوكب الأرض وهنا القمر بيحمر وساعات بيسموه “القمر الدامي”، والتاني بيحصل لما جزء من القمر بيدخل في منطقة الظل وهنا جزء من القمر بينخسف، والنوع الأخير بيحصل لما القمر بيكون موجود في منطقة شبه الظل وفي المرة دي القمر بيكون موجود بس لونه بيبهت.

الخسوف يوم الجمعة الجاية هيكون خسوف جزئي هيكون ظاهر في المنطقة العربية بأكملها، وقررنا في الفترة اللي هنستنى فيها معاكم إننا نشارك أحلى صور للظاهرة دي معاكم من الـ 10 سنين اللي فاتوا في المنطقة العربية.

15 يونيو، 2011 – خسوف قمري كلي

عن flickr.

28 نوفمبر، 2012 – خسوف قمري شبه الظل

عن Pinterest.

25 أبريل، 2013 – خسوف قمري جزئي

عن Twitter.

18 اكتوبر، 2013 – خسوف قمري شبه الظل

عن Twitter.

4 أبريل 2015 – خسوف قمري كلي

عن Facebook.

16 سبتمر، 2016 – خسوف قمري شبه الظل

عن Pinterest.

10 فبراير، 2017 – خسوف قمري شبه الظل

عن flickr.

27 يوليو، 2018 – خسوف قمري كلي

16 يوليو، 2019 – خسوف قمري جزئي

عن Facebook.

أخر كلمة: متنسوش تاخدوا صور للظاهرة الطبيعية الجميلة دي ليلة الجمعة الجاية!

تعليقات
Loading...