جوجل تفتح التقديم لتطبيق دعم الشركات الناشئة في الشرق الأوسط وشمال أفريقيا

لو عندك شركة لسه في مرحلة التأسيس، عندك فرصة علشان تدعم شركتك دلوقتي من جوجل، جوجل بتدعو الشركات الناشئة في منطقة الشرق الأوسط وشمال أفريقيا (MENA)، إنها تشارك في الإصدار الأول من برنامج Google Accelerator for Business Startup اللي بتقدمه جوجل علشان تدعم الشركات الناشئة في المنطقة، وفتحت باب التقديم فيه من دلوقتي.

البرنامج تم الإعلان عنه في أكتوبر اللي فات، وتم فتح باب التقديم فيه دلوقتي، وهو جزء من البرنامج الإقليمي لعملاق التكنولوجيا العالمي “Go Strong With Google”، والبرنامج ده لتسريع الأعمال الرقمية ومدته 3 شهور، وبيتقدم لمنطقة الشرق الأوسط وشمال أفريقيا وهدفه دعم الشركات التكنولوجية الناشئة اللي في مرحلة التمويل الأولى (التأسيس)، ومرحلة الاستثمار الأولى (السلسلة أ)، وهيبدأ البرنامج في يناير 2021 على منصة إفتراضية، وهيشمل من 10 لـ 15 شركة ناشئة في المنطقة، والبرنامج هيقدم الدعم والتدريب لمؤسسي الشركات الناشئة في كل التحديات اللي بتواجههم سواء مهنية أو فنية، وهيوفرلهم المشاركة في ورش عمل عن تقنيات التعلم الآلي وتصميم المنتجات.

عن: Pexels

شروط التقديم للبرنامج بتشمل إن يكون مقر الشركة في منطقة الشرق الأوسط وشمال أفريقيا، وإن الشركة تكون بتعمل في مجال التكنولوجيا، وكمان تكون حصلت على تمويل أولي، وجوجل هتاخد في اعتبارها المشاكل اللي بتحاول الشركات الناشئة تحلها وإزاي تشتغل، علشان توفر تجربة أحسن للمستخدمين، وتساهم في مواجهة تحدي حقيقي على مستوى المنطقة، وكمان لو كانت الشركة الناشئة بتهدف لتوظيف التكنولوجيا والذكاء الاصطناعي في منتجاتها وخدماتها، للمساعدة في حل تحديات النمو على المدى الطويل.

آخر كلمة: ماتفوتوش قراءة: جوجل تدعم التحول الرقمي في مصر ببرنامج تجريبي بـ 9 مليون دولار.

تعليقات
Loading...
Tweet
Share
Share
Pin