جروب الماميز: غادة عادل وروبي في فيلم جديد مستوحى من جروب الأمهات على السوشيال ميديا

“جروب الماميز” بقى مصطلح جديد معظم الأمهات اللي عندهم أولاد لسه في سن الدراسه بقوا على دراية بيه. فالجروب ده بيضم أمهات الطلبة اللي غالبًا بيكونوا جروب على الواتس آب علشان يتشاركوا الحديث عن حجات مختلفة تخص أولادهم وتعليمهم. وبما إن الجروبات من النوع ده بقيت موجودة بكثرة في الفترة الأخيرة وبمناسبة عودة المدارس.. سمعنا عن عمل جديد بيحمل نفس الأسم، هنشوفوا في صالات السينما.

تعاقدت الفنانة غادة عادل والفنانة روبي على فيلم جديد باسم جروب الماميز، اللي بيتناول حياة الأمهات ومشاكلهم سواء مع أولياء أمور تانيين أو المدرسين، وهتدور أحداث المسلسل في شكل كوميدي. الفيلم هيكون من إخراج معتز التوني وتأليف ايهاب بليبل ومن إنتاج محمد رشيدي اللي نشر صور لحفل التعاقد مع روبي وغادة عادل على الفيلم. وهيشارك في البطولة بيومي فؤاد ومحمد سلام، ومن المقرر بدأ تصوير العمل قريبًا.

آخر كلمة: متفوتوش مشاهدة الفيلم لما ينزل، ومتفوتوش قراءة “روبي تتصدر تريند جوجل بعد إحياء حفلة بالأهرامات” …

تعليقات
Loading...
Tweet
Share
Share
Pin