تعليم السعودية: عودة طلاب المدارس للحضور بعد 17 شهر من التوقف بسبب كورونا

بعد انتشار فيروس كورونا، لجأت المؤسسات التعليمية لنُظم التعليم عن واستخدام تطبيقات زى “زووم” وغيرها اللي بيتيحوا لأساتذة الجامعة إنهم يقوموا بعرض الـ presentations الشرح عن طريقهم. وبما إن حاليًا العالم بيحاول يرجع إلا حد ما للحياة الطبيعية، فالسعودية قررت إن طلاب المدارس يرجعوا يحضروا من تاني في مدارسهم.

النهارده يوم الأحد، رجع 6 مليون طالب وطالبة اللي أخدوا جرعتين من لقاح كورونا لبداية العام الدراسي الجديد، بعد انقطاع استمر 17 شهر وتعليق الحضور بسبب فيروس كورنا. ووضح المتحدث الرسمي للتعليم العام بوزارة التعليم، أنه تقرر تأجيل احتساب الغياب في الأسبوعين الأولين لطلبة الجامعات والتدريب التقني والمهني اللي لسه محصلوش على جرعتين لقاح فيروس كورونا، حفاظاً على سلامتهم وسلامة الآخرين.

وبيتم حث وتشجيع الطلاب والطالبات إنهم يتحصنوا بجرعتين اللقاح، علشان يكون في عودة حضورية آمنة للمنشآت التعليمية، ويكون في مناعة مجتمعية تسهل عودة الناس للحياة الطبيعية. وطبعًا بيتم الالتزام بالإجراءات الاحترازية بالإضافة للالتزام ببعض القوانين. من ضمنهم استبعاد الأنشطة الصيفية وغير الصيفية اللي مفيهاش تباعد، وإلغاء طابور الصباح، وإيقاف العمل في الكافتيريا. وبيتم فحص درجة الحرارة للطلبة، والتأكد من ارتداء الكمامة، وتنظيم الدخول والخروج، وإعادة ترتيب الفصول لتحقيق التباعد الاجتماعي، ومنع تبادل الأدوات الخاصة بين الطلبة.

آخر كلمة: متفوتوش قراءة “رسميًا: السعودية أفضل بلد عربي تقدر تعيش فيه السيدات“…

تعليقات
Loading...
Tweet
Share
Share
Pin