تريندينج على تويتر: إيه هي طاقتك الوحيدة الحالية؟

بننام ونصحى، ونتفاجيء إن ملايين من الناس تفاعلوا مع هاشتاج على تويتر، لدرجة إنه بيبقى من الـ “Top Trending” لإن الحاجات البسيطة واللي فيها إلى حد ما مشاركة من الناس عن حاجة شخصية، حتى لو بسيطة، بتجذبنا كمستخدمين للسوشيال ميديا إننا نشارك في الهاشتاج ونحط التاتش بتاعنا كده! والنهارده من الهاشتاجات التريندنج هو #الطاقة الوحيدة الحالية اللي بيقول فيه الناس عن الطاقة المتبقية عندهم، كناية عن ضغوطات الحياة اللي بتخلينا في الآخر تعبانين لإن طاقتنا بتُستنزف.. فتجاوب كتير مع الهاشتاج وعبروا عن رأيهم بشكل ساخر، وأوقات بشكل حزين.. فبعد ما نتكلم عن الموضوع من الناحية الكوميدية ونعرضلكم شوية من التويتات اللي شوفناها على تويتر، حابين نتكلم من جانب أكتر جدية..

اشتراك كتير من الناس في الهاشتاج ده، ممكن طبعًا يكون بس للترفيه والكوميديا، ولكن كمان التويتات اللي كان فيها كلام جاد واللي بيورينا قد إيه في ناس كتير تفكيرها مُنهك، ممكن نعتبره إشارة كبيرة إننا كلنا محتاجين لـ Pause كده ووقت نرتاح فيه ونفصل من كل الدوشة اللي حوالينا دي.. والراحة دي مش رفاهية ولا تضييع وقت، ولكنها مهمة علشان نقدر نستعيد طاقتنا من تاني ونقدر نكمل مهمتنا اليومية على أكمل وجه.. إحنا عارفين إن الموضوع يبان بسيط وكوميدي، بس مش إحنا كمصريين دايمًا بنقلب الحاجات اللي شغلانا وتعبانا بجد لهزار؟ يمكن ده يكون هاشتاج للتسلية.. وممكن كمان يكون صرخة لطلب المساعدة، لو انت كنت من الناس اللي اشتركت في التريند، قولنا انت أنهي فيهم؟

آخر كلمة: ماتفوتوش قراءة: “أكتر ما يخيف النساء: بين الهزار والجد، هل فعلًا مفيش حاجة الستات بتخاف منها؟” .

تعليقات
Loading...
Tweet
Share
Share
Pin