تاني زلزال في أسبوع! هل مصر مُعرضة لزلازل أقوى وإيه هي المناطق الأخطر؟

في خلال أسبوع واحد حس المصريين بزلزالين قوتهم كبيرة، حس المصريين بتاني زلزال امبارح بقوة 6 ريختر، واللي سبب حالة قلق بين المواطنين بالذات إنه تاني مرة يحصل في خلال أسبوع واحد. فهل دخلت مصر حزام الزلازل؟

وتأثرت مصر، يوم التلات من الأسبوع اللي فات، بهزة أرضية حصلت في جنوب جزيرة كريت اليونانية، واللي موجودة في الناحية التانية من مدينة مرسى مطروح، على البحر المتوسط وقوة الهزة الأرضية دي 6.4 ريختر.

المعهد القومي للبحوث الفلكية لاحظ في الفترة ما بين نص أكتوبر ونص ديسمبر 2020، حوالي 6 زلازل في شرق القاهرة والمحلة الكبرى وشمال مرسى مطروح وشمال الإسكندرية وشمال دمياط.

الزلازل اللي اتكررت دي سببت قلق المواطنين، من دخول مصر حزام الزلازل، بالذات إن تكرار الزلازل خلى المصريين يربطوا بينها وبين زلزال 1992، اللي سبب كارثة إنسانية واجتماعية كبيرة.

هل دخلت مصر حزام الزلازل؟

رئيس المعهد القومي للبحوث الفلكية، رد على السؤال ده بشكل حاسم وأكد إن مصر خارج حزام الزلازل وإن المناطق دي معروفة، وبكده مفيش أي خطورة من الهزات الأرضية الأخيرة، لإن أغلبها بيكون مركزها خارج مصر.

في أي علاقة بين زلازل الأسبوع ده وزلزال 92؟

رئيس المعهد القومي للبحوث الفلكية بيأكد إن مفيش أي علاقة. وقال إنه ماينفعش نربط الزلزال اللي حصل في القاهرة النهارده، والزلزال اللي حصل من كام يوم بزلزال 1992، في فرق ما بينهم في قوة الزلزال ومصدره وأسبابه.

المناطق المعرضة للزلازل في مصر

في مناطق محددة معرضة للزلازل في مصر أكتر من غيرها، أهمها شمال البحر الأحمر وشرم الشيخ وغرب السويس وشرق القاهرة، ومنطقة جنوب غرب القاهرة اللي بتبدأ من دهشور لحد جبل قطراني في الفيوم، ومعانا شمال الدلتا والمحافظات الساحلية على البحر المتوسط والقريبة من مناطق حدوث الزلازل في جنوب اليونان وغرب تركيا، وأخيرًا جنوب أسوان والسد العالي، على حسب كلام رئيس معهد البحوث الفلكية.

أخر كلمة: ماتفوتوش قراءة: فيديو لرجل بيضرب زوجته ضرب مبرح قدام الكاميرات.. والسؤال هنا: إيه الجرأة دي!

تعليقات
Loading...
Tweet
Share
Share
Pin