بين مؤيد ومعارض، إيه المشاكل اللي بتواجه مسلسل الطاووس؟

مسلسل الطاووس من أول ما نزل البرومو بتاعه حتى قبل عرضه في رمضان وهو بيواجه انتقادات بسبب تمثيله لواقعة اغتصاب حقيقية كان لسه بيتم التحقيق فيها (قضية الفيرمونت)، وده اللي الناس شافته triggering أو حاجة ممكن تكون مش في صالح نفسية البنت اللي اتعرضت للحادثة دي، وإنه مش أخلاقي استغلال حادثة حقيقية ومن غير الـ consent أو رضا صاحبة القضية. وبعد عرض الحلقات الأولى، واجه المسلسل مشاكل تانية واللي أدت لانقسام الجمهور لمؤيد ومعارض.

أصدر المجلس الأعلى لتنظيم الإعلام قرار بالتحقيق مع مسئولين إنتاج مسلسل الطاووس وكمان القنوات اللي بيتم عرض المسلسل عليها، وده بسبب تلقي شكاوي كتير عن اللغة المستخدمة في العمل، واللي بتخالف الأكواد اللي أصدرها المجلس. فهيتم التحقيق “لتنقية الأجواء ومنع الصور اللي بتسيء للفن المصري” زى ما المجلس قال من خلال التصريح.

*الأعلى للإعلام يجري تحقيقاً عاجلاً مع المسئولين عن مسلسل الطاووس* قرر المجلس الأعلى لتنظيم الإعلام، التحقيق فوراً مع…

Posted by ‎المجلس الأعلى لتنظيم الإعلام‎ on Sunday, April 18, 2021

والقرار ده اتقسم عليه الناس لنصين، ففي ناس دعمت القرار وكانوا بيطالبوا بوقف المسلسل حتى من قبل عرضه وفي كمان اللي دافعوا باستماتة عن المسلسل اللي قالوا إنه يتحط تحت خانة “التوعية” مش “هدم القيم الأسرية” وهاشتاجز لدعم المسلسل بقيت ترندنج على تويتر في محاولة لاستمرار عرض العمل خلال موسم رمضان.

في قرار بوقف المسلسل علشان مضمونه مش بيتفق مع أخلاق الأسرة المصرية مش لما الأسرة المصرية تعرف تربي رجالتها الأول يبقى في اخلاق !#ادعم_مسلسل_الطاووس

Posted by Women Lives matter on Sunday, April 18, 2021

آخر كلمة: إيه رأيكم في الموضوع؟ وماتفوتوش قراءة “أبرز 5 غلطات في الحلقات الأولى لمسلسلات رمضان“…

تعليقات
Loading...
Tweet
Share
Share
Pin