بيبسي وعمرو دياب.. 20 سنة شباب

كل الناس بتقف قدام مرايتها وعادي بتدلع براحتها، بس في ناس بترجع تقولك “أنا مابقتش حلوة زيّ الأول”، وناس تانية تحيرك بجمالها أصلها مع الوقت بتحلو، بس دول مش ناس دول الهضبة عمرو دياب اللي كسر قواعد كتير، بس أهم واحدة فيهم إن الحاجات مع الوقت بيروح عليها، أصله كان عارف من زمان، وماضحكش علينا لما قال “أنا مهما كبرت صغير”.

وكلنا عشنا سنين مع الهضبة وأغانيه حتى وإحنا بنقول يلا أهي ذكريات، بس السنة دي كان الهضبة معاك بجد في حاجات كتير، يعني كان معاك كل يوم تلات اللي ماكنش بيعدي من غيره، وكل ما كان حد فينا بيبقى قاعد سهران أكيد كنا بنفتكره، وكل ما يبقى الجو جميل برضه، وكمان كان معانا في كل أماكن السهر في الصيف، أصل طبيعي يعني.. الصيف يعني عمرو دياب.

دلوقتي بقى بما إننا تملي معاكم في كل حاجة بتحصل، يبقى لازم نقولكم إن في مفاجأة من عمرو دياب وبيبسي قريب جدًا وكلنا مستنينها، وبنعد الليالي لحد ما نشوفها.. بيبسي نزلت على صفحاتها على السوشيال ميديا، برومو وكتبت عليه “خلينا ننبسط مع بيبسي وعمرو دياب قريبًا”، ومعروف إن الشراكة دي دايمًا وراها نجاح كبير وأغاني بتعلق معانا كلنا زيّ “أنا أكتر واحد بيحبك”، و”كمل كلامك”، و”الفرحة الليلة” فما بالكم لو بيحتفلوا بمرور 20 سنة على شراكتهم! خبر شوقنا كلنا أكيد.

لا وكمان الأحلى وأحلى إن بيبسي هتنزل كانز جديدة بصور عمرو دياب من أوقات مختلفة لأقوى أغانيه ولفترة محدودة علشان الفانز الحقيقية تشرب بيبسي بمزاج، وتقعد تسترجع الذكريات، العالم الله في مفاجآت إيه تاني؟

آخر كلمة: بنتمنى الهضبة يفضل يحلو هو وأغانيه دايمًا مع الوقت.

تعليقات
Loading...
Tweet
Share
Share
Pin