بلاد وأماكن للعرب يقدروا يسافرولها من غير فيزا

ساعات بتطلع في دماغنا مرة واحدة ونقرر فجأة إننا نسافر، فالسفر وزيارة أماكن وبلاد جديدة وتجربة المغامرات هي من أجمل الحاجات اللي ممكن تتعمل، ولكن بيواجهنا حاجة سخيفة، ويمكن تكون الحاجة السخيفة الوحيدة في إجراءات وتفاصيل السفر، وهي إنك تطلع الفيزا، فساعات كتير بنقرر فجأة إننا نسافر، أو ساعات بنكون مستعجلين على السفر، وساعات بنكسل نمشي في إجراءات السفارات، وساعات بنكون حابين نوفر فلوس حتى لو هتكون توفير فلوس الفيزا، فتعالوا نشوف إيه البلاد اللي يقدر العرب يسافروها من غير فيزا.

تنزانيا

عن: tripsavvy

مصر والأردن والسعودية يقدروا يسافروا ليها من غير فيزا، وتنزانيا هي بلد في شرق وسط أفريقيا، وهي من أجمل البلاد اللي ممكن تتزار، وفيها مساحات خضرا كتيرة وحياة برية.

جزر القمر

عن: modo3

لبنان والأردن ومصر يقدروا يسافروا جزر القمر من غير تأشيرة، وهي دولة عربية موجودة في المحيط الهندي، ومعروفة بجمال طبيعتها الخلابة.

اقرأ أيضًا: بلاد يقدر أي أردني يسافرها من غير فيزا.

مدغشقر

عن: thoughtco

الأردن ومصر وتونس، وهي موجودة في المحيط الهندي، وهي واحدة من أكبر جزر العالم، ومن الأماكن الجاذبة للسياحة، ومليانة مساحات خضراء.

موريشيوس

الأردن ومصر والسعودية يقدروا يسافروا ليها من غير فيزا، وهي موجودة في وسط المحيط الهندي، ومعروفة ببحرها الشفاف، ورمالها البيضاء الناعمة، ومناظرها الطبيعية الخلابة.

اقرأ أيضًا: السعوديين يقدروا دلوقتي يسافروا 63 بلد من غير فيزا!

سيشيل

الأردن ومصر والإمارات، وهي موجودة في المحيط الهندي، ومعروفة برمالها البيضاء، والحياة البرية، والغابات، والمساحات الخضراء الواسعة.

إندونيسيا

عن: asiatimes

مصر والجزائر والسعودية يقدروا يسافروا من غير فيزا، وهي موجودة في قارة آسيا، ومعروفة بجزرها الكتيرة، وسواحلها الساحرة، ومساحاتها الخضراء الكتيرة اللي بتديك إحساس بالأمان والاطمئنان.

جورجيا

الإمارات والأردن والسعودية، وهي موجودة في آسيا وأوروبا، ومشهورة بمناظرها الطبيعية الجميلة ومساحاتها الخضراء الكتيرة.

آخر كلمة: ماتفوتوش قراءة: بلاد يقدر المصريين يسافروها من غير فيزا.

تعليقات
Loading...
Tweet
Share
Share
Pin