بكاء لطفي لبيب على المسرح بعد تحية خاصة له من أحمد عز وتقبيل يده..

في عرض من عروض مسرحية “علاء الدين” لأحمد عز اللى كان حاضر فيها فنانين كتير منهم لطفي لبيب، وجه أحمد عز تحية خاصة ليه، وقال إن حضوره يعتبر أكبر نجاح للعرض، ونزل أحمد عز من المسرح عشان ياخد لطفي لبيب وطلع بيه على المسرح وباس إيده. ومع تصقيف الجمهور الشديد نزلت دموع لطفى لبيب وأثر المشهد فى ناس كتير. 

نشر مجدى الهوارى صور من العرض على صفحته وقال: “نورت وشرفت الاستاذ لطفي لبيب…دموعك تؤكد لنا اننا مازلنا احياء .. الحمد لله والشكر لله علي نعمة التقدير. وقفة الجمهور عند صعودك المسرح تدل علي رصيد في قلوب الناس ياصانع السعادة.”

ليلة #عرض استثنائية و حفاظاً منا علي #الحياة . تتبنى مهنة #الفن الحفاظ علي ماتبقي من #العلاقات_الانسانية .. نورت وشرفت…

Posted by Magdy El Hawary on Saturday, August 15, 2020

لطفى لبيب من أجمل الفنانين المحترمين اللى متعونا بفنهم لسنين عديدة، ومن أكتر الناس المحبوبة فى الوسط الفنى وللجمهور. بنتمنى له الصحة الدائمة وإنه يفضل يبسطنا بأعماله المميزة. 

آخر كلمة: ايه اكتر دور بتحبه للفنان لطفى لبيب؟ قولنا فى الكومنتات تحت!

تعليقات
Loading...
Tweet
Share
Share
Pin