بفيديوهات ساخرة.. علا رشدي بتحكي معاناة الأمهات مع التعليم الأونلاين

في ظل انتشار وباء كورونا وحرص المؤسسات التعليمية على صحة الجميع، ففي معظم البلاد العربية بقى طلاب المدارس والجامعات بيتعلموا من خلال التعليم الأونلاين عن طريق تطبيقات زيّ “زووم” وغيرها، اللي بتتيح الفرصة للمدرسين إنهم يشرحوا المناهج عن بعد.. ولكن بالنسبة للأمهات، فبيبقى النظام التعليمي بالنسبة لهم عن “قرب” مش عن بعد زي ما علا رشدي قالت، فبيتضاعف مجهود الأم اللي بقت لازم تركز مع أولادها كل ساعات الدراسة اللي انتقلت من كونها في مكان الدراسة، للبيت وتتأكد إنهم فعلًا مركزين في المذاكرة والدراسة.

المعاناه والمجهود اللي بتمر بيها كل أم الفترة دي مع أولادهم اللي لسه في المدرسة تناولتها علا بطريقة كوميدية، ولكنها حقيقية جدًا، من الأطفال اللي بيسيبوا المحاضرة ويلعبوا على تيك توك، للأطفال اللي خايفين من الموضوع وعايزين مامتهم جنبهم طول الوقت.. الموضوع مضحك ولكنه متعب فعلًا! فإيه رأيكم في الفيديوهات اللي بتعملها علا عن نظام التعليم عن بعد؟ وهل كأمهات بتحسوا بـ “relevance” مع المحتوى اللي بتقدمه، وبيخلي شعوركم إنكم مش لوحدكم في الموضوع ده، يخفف من عليكم شوية؟

آخر كلمة: ماتفوتوش قراءة: “التعليم عن بعد: إيه فوائده بعد ما لجأت ليه معظم المؤسسات التعليمية؟” …

تعليقات
Loading...
Tweet
Share
Share
Pin