بعد 20 سنة من منع عرضها: حسام حسني يطرح أغنية “عارفة” علي قناته باليوتيوب

طرح الفنان حسام حسني كليب أغنية “عارفة” علي قناة اليوتيوب بتاعته من يومين، والأغنية دي ممكن تفتكروها جديدة لأنكم هتكونوا بتسمعوها لأول مرة، بس الحقيقة الأغنية دي أتعملت من عشرين سنة واتمنعت من العرض وقتها، وده بسبب رفض إدارة التليفزيون المصري ليها. وعلق حسام حسني على الأغنية بعد نشرها وقال “من البوم أحلى البنات وتذاع لاول مره بعد المنع”.

أغنية “عارفة” هي من غناء و ألحان و توزيع حسام حسني، ومن كلمات عنتر هلال. والأغنية كانت ضمن ألبوم حسني سنة 2000 اللي كان باسم “أحلي البنات”. وبعد عشرين سنة، أخيرًا قدر الكليب إنه يخرج للنور علشان الناس تشوفه وتقول رأيها، وبالرغم من أنه مش بنفس الجودة والتطور بتوع كليبات دلوقتي، ناس كتيرة ممكن تفرح بيه وبروح “النوستالجيا” اللي هترجعلهم زكرياتهم مع أوائل الألفينيات.

دي مش اول مرة تتمنع أغنية لحسام حسني من العرض، فقبل ما تتمنع أغنية عارفة، كانت اتمنعت أغنية “محسودة” اللي اتمنعت من العرض وقتها من قبل لجنة الرقابة بسبب أن أداء الموديل اللي كانت في الكليب، واللبس اللي كانت لبساه أثناء التصوير اللي كان بيُعتبر “غير لائق” بالنسبة للجنة وقتها. والأغنية دي بردو شافت النور في وقت قريب بعد ما نزلها حسني علي قناته باليوتيوب.

آخر كلمة: إيه أكتر أغنية بتحبوها لحسام حسني؟ شاركونا بأرائكم في التعليقات…

تعليقات
Loading...
Tweet
Share
Share
Pin