بعد وفاته، تعالوا نفتكر أبرز أعمال المخرج الكبير حاتم علي

إمبارح مع الأسف سمعنا خبر وفاة الكاتب السوري حاتم علي في بيته، عن عمر 58 سنة، وفي كلام إن سبب الوفاة هو إصابته بأزمة قلبية.. والخبر كان حزين للكل سواء للنجوم الكبار اللي اشتغلوا معاه واتعلموا منه كتير، أو للجمهور كمان اللي هيفتقد بشدة تقديم حاتم علي لأعمال كبيرة ومختلفة.. وتقديرًا لمشواره الفنى الكبير، جمعنالكم أهم أعمال المخرج الراحل، اللي بوجودها أكيد هتخلد ذكراه، لإنه سابلنا تحف فنية هتفكرنا بيه العمر كله.

مسلسل الملك فاروق

مسلسل الملك فاروق نزل سنة 2007 وعمل ضجة كبيرة وقتها، وكان أهم ما يميز المسلسل ده هو صدق الأداء وملاحظة التفاصيل الدقيقة علشان تطلع من أول الشخصيات لحد الديكورات المستخدمة صحيحة ومعبرة عن الحقبة الزمنية اللي بيناقشوها.

مسلسل حجر جهنم

مسلسل من أبطال نجوم كبار زيّ إياد نصار وكندة علوش وأروى جودة وشيرين رضا.. وكمان وجود مخرج عظيم زيّ حاتم علي، كان طبيعي يطلعلنا تحفة فنية زيّ دي اللي عملت ضجة وكان المسلسل حديث السوشيال ميديا وقت عرضه سنة 2017.

مسلسل كأنه إمبارح

من المسلسلات الحلوة اللي نزلت الفترة الأخيرة، وكلنا تقريبًا اتفرجنا عليه وكنا مشدودين معاه، وهو من بطولة رانيا يوسف، ومحمد وفيق، ومحمد الشرنوبي، وهدى المفتي.

مسلسل مطلوب رجال

المسلسل قديم ولكنه كان مميز لمناقشته لقضية الخيانة وخلال المسلسل كنا بنشوف عن قرب مشاعر الست وفي نفس الوقت وجهة نظر الرجل في الموضوع.. واللي نقدر نأكده لكم إنكم لما تشوفوا صدق المشاهد في الفيلم، هتعرفوا إن حاتم علي لا يمكن يطلع عمل وحش.

مسلسل أهو ده اللي صار

عن hiamag

مين فينا موقعش في حب المسلسل من أول حلقة؟ مسلسل هادي وراقي ومعمول باحترافية تدل على موهبة فريق العمل وإبداع المخرج الكبير ونظرته في المسلسلات.

العراب الجزء الأول والتاني

هو مسلسل سوري سنة 2015 وبتدور أحداثه في أواخر الخمسينات وبيعمل البطل امبراطورية مالية كبيرة بطريقة مش معروفة وبنبدأ نشوف تصاعد الأحداث بين البطل وباقي شخصيات المسلسل.

آخر كلمة: هنفتقد المخرج الكبير حاتم علي، بس أعماله هتفضل موجودة كدليل لنجاحه وموهبته!

تعليقات
Loading...
Tweet
Share
Share
Pin