بعد ما طرقت أبواب قائمة التراث لليونسكو: كل اللي محتاج تعرفه عن الهريسة التونسية

الهريسة التونسية أو الهريسة الحارة، تعتبر روح المطبخ التونسي وبتسمى كمان بالصلصة الوطنية خصوصًا في الريف التونسي، وبتدخل في معظم الأكلات والوصفات التونسية، الهريسة مشهورة في بلاد المغرب العربي والشام والخليج، لكن تونس تعتبر أكتر البلاد اللي بتعتمد عليها بشكل كبير وهي الأساس في تحضير الهريسة.

عن: أكلات

وتقدمت تونس رسميًا بملف ورقي لمنظمة اليونسكو، لتسجيل الهريسة ضمن قائمة التراث اللامادي، ويعتبر التسجيل ده محاولة لتثمين المنتج الغذائي ده واللي بتختص بيه تونس، لإن الهريسة علامة مميزة في المطبخ التونسي عبر التاريخ، وملف التسجيل اللي تم تقديمه بيركز على المعارف والمهارات التقليدية للحضارة والهوية التونسية، اللي بتسعى تونس دايمًا لتسجيلها والتعريف بيها.

الهريسة طبق تونسي أساسه الفلفل الأحمر المجفف، بيتم إعدادها عن طريق تتبيل الفلفل بالبهارات والثوم وبيتم طحنه يدويًا، بعد كدة بيتضاف عليه زيت الزيتون وبيتحفظ في علب علشان نقدر نستخدمها في تحضير الأكلات علشان تضيفلها نكهة حارة لذيذة، زي الفطائر والسندوتشات، وهنقدملكم بالتفصيل طريقة عمل الهريسة التونسية:

عن: مطبخ سيدتي

أول حاجة بننضف الفلفل الأحمر ونقسمه نصين ونشيل منه البذور، بعد كدة بننضفه بالمياه الباردة لمدة 20 دقيقة، بعدها بنصفيه ونسيبه يتجفف في الفرن على درجة حرارة 160، في قالب مع الثوم والكسبرة والكراوية، بنسيب المكونات مع بعض في الفرن لحد ما تدبل بعد كدة بنخرجها ونسيبها تبرد، وبنقوم بطحنها في الهون مع إضافة زيت، وبعد كدة بنضيف الملح والفلفل الأسود، وبنحط الهريسة في علب ومننساش نحط على الوش شوية زيت زيتون، وبنحفظ العلب في التلاجة.

عن: Elaph

آخر كلمة: ولو عاوزين تعرفوا أكتر عن الأكلات العربية تقدروا تزوروا المقالة دي!

تعليقات
Loading...
Tweet
Share
Share
Pin