بعد فتح النوادي والجيمات، إزاي تقدر تتمرن وتحمي نفسك من العدوى!

بواسطة منة حسني.

كلنا مفتقدين حياتنا الطبيعية وعندنا توتر كبير وبعد فتح الأنشطة الرياضية اللي مستنينها، عندنا حيرة بين حبنا لتمرينا زي الأول وكسر الملل ومصالحة الوزن اللي زعلناه الفترة اللي فاتت والعدوي من الكورونا وحماية نفسنا.. ومعظمنا مش عارف يبدأ منين التمرين من غير ما يضر نفسه. نقدر نتمرن وفي نفس الوقت نحمي نفسنا بنسبه كبيرة لو حافظنا علي الخطوات دي.

الحرص على حماية الغير 

أولهم التأكد من إن المكان اللي هتتمرن فيه يكون مهتم بإجرائات التعقيم كويس جدًا والتأكد من حرصه علي ده بشكل مستمر ووجود فيه مسدسات قياس الحرارة بحيث تتطمن علي درجه حرارتك و تتطمن إ مفيش حد من اللي حواليك حرارته عالية أو عنده اشتباه في اصابه.

 اختيار التوقيت

يعني إبعد عن الأوقات اللي أنا عارف إن الصالات الرياضية بتكون فيها زحمة والأفضل هي أوقات بداية النهار عشان في الغالب بتكون أقل ازدحام بالناس.

الحماية

الالتزام بالكمامة اثناء الطريق علي الأقل واثناء التنقل بين الأجهزة الرياضية ولكن لازم نتجنب التمرين بيها عشان تحافظ علي كمية الاكسجين اثناء التمرين علي عكس القفازات، لازم تلبسها سواء الرياضية أو الطبية علي قد ما تقدر لتجنب العدوى عن طريق التلامس ومع الوقت هنتعود علي التمرين بيه.

التباعد

الالتزام بالمساحة بينا وبين بعض من أهم الخطوات.. سواء فالصالات الرياضية أو أي مكان عام، لازم ناخد بالنا من وجود متر ونص علي الأقل بيني وبين الشخص اللي موجود معايا في نفس المكان.

تعقيم الإيدين والأدوات قدر المستطاع

لازم يكون معايا مناديل معقمة و كحول استخدمهم في تعقيم الإيدين والأدوات الخفيفة الموجودة فالتمرين قبل استخدمها ومقابض الابواب والموبيل والتخلص من المناديل فورًا.

تعويض الازدحام بالتمرين المنزلي

محاولة تقليل الأيام اللي هتمرن فيها في مكان عام واستبدلها بتمرين داخل البيت و خصوصًا كمان لو بمجرد وصولي مكان التمرين و لقيته زحمه .. يفضل اني ارجع.

التلامس

تجنب ملامسة الوجه والفم والأنف من الحاجات الضرورية جدا لازم ننتبه ليها لأن عن طريق لمسها بتكون العدوي أقرب.

الاماكن المكشوفة

لو متوفر في المكان مساحة مفتوحة للتمرين او جيدة التهوية فهيكون ليها الاولولية قبل الاماكن الملغلقه أو المكيفة للحد من انتشار العدوي وبرضه مع الالتزام بالمساحة الكافية والتعقيم.

المكملات و الفيتامينات

من العادات الصحية اللي بتحمينا من العدوى عمومًا، تناول الفيتامينات المحفزة للجهاز المناعي زي الزنك و فيتامين د٣ وفيتامين ج من الاحتياطات اللازمة.

التغذية

والاهتمام بالأطعمة اللي بتحتوي علي نفس الفيتامينات ومضادات الاكسدة زي حبة البركة، والزبدة، والسمك، والبيض، والبرتقال، والليمون.

أخر كلمة: ناوي تنزل التمرين ولا لا؟

تعليقات
Loading...
Tweet
Share
Share
Pin