بعد خبر رجوعه.. تعالوا نفتكر أحلى حلقات برنامج قعدة مزيكا

قعدة مزيكا لطيفة بنسمع فيها الجديد في الموسيقى البديلة أو الـ “underground” من 2014 وإحنا بنعرف فنانين وفرق جديدة من خلال البرنامج، وكتير منهم دلوقتي مسيطرين على ساحة المزيكا وبنشوفهم بيكبروا وينافسوا المطربين العالميين كمان، وبعد إعلان خبر رجوع البرنامج السنة دي على نجوم إف إم مع يسرا الهواري، متحمسين نعرف الجديد اللي هيتقدم وبنحن للمزيكا اللي سمعناها في حلقات فاتت، علشان كده تعالوا ناخد لفة في أحلى حلقات البرنامج ونسمع مزيكا من كل لون.

من قبل ما تكون حفلاتهم في كل مكان ونقدر نسمع الأغاني فيها، البرنامج كان بيستضيف الفنانين والفرق الموسيقية في بداية معرفة الناس بيهم، ودلوقتي لما بنسمع الأغاني دي بنفتكرهم وقتها.

مش بس الفنانين كانوا بيشاركونا في البرنامج بأحدث أغانيهم، كمان كانوا بيغنوا أغاني تانية بصوتهم بطريقة مختلفة عن الأغنية الأصلية، زيّ سارة الجوهري لما غنت أغنية مرسال لفرقة أوتوستراد.

ودينا الوديدي لما غنت والله تستاهل يا قلبي.

أما الراب، فقبل ما يكون الراب سين مليان بالفنانين زيّ دلوقتي، وقبل ما الراب يكون ليه جمهور بالعدد اللي موجود دلوقتي، قعدة مزيكا قدملنا الجديد وقتها من أبيوسف.

آخر كلمة: ماتفوتوش قراءة: مودك كان إيه في 2020؟ أكتر أغاني اتسمعت على أنغامي وسبوتيفاي

تعليقات
Loading...
Tweet
Share
Share
Pin