بعد الضرائب على البلوجرز.. هل هيكون في رسوم للأغاني على يوتيوب؟

الموضوع ده خد وقت كبير في الكلام عنه، ما بين مؤيد ومعارض، ووجهات نظر كتير ومختلفة، من اللي شايف الموضوع بمنظور ضيق، وبين اللي ناقش الموضوع بجدية ومن زوايا كتير، كل المناقشات دي طرحها خبر فرض ضرائب على البلوجرز اللي بيربحوا 500 ألف جنيه وأكتر من فيديوهات اليوتيوب، لكن في جزء ماحدش اتكلم عنه، مع إنه مطروح في نقابة الموسيقيين، هل هيتم فرض رسوم أو ضرائب على الفيديو كليبات والأغاني على يوتيوب؟

عن: almowaten

مصدر في نقابة الموسيقيين رد على السؤال ده في تصريح لمصراوي، قال إن اللي اتقال عن القرار ده غير دقيق، وإن الموضوع مازال قيد الدراسة في النقابة، وفي مقترح لتقديم الطلب لمجلس النواب في دورته اللي جاية، لكنه لم يتم تقديمه حتى الآن، وبالتالي مفيش موافقة معلن عنها لحد دلوقتي. لكنها فكرة مطروحة في نقابة الموسيقيين بالفعل.

الضريبة بشكل عام وفقًا لقانون الضريبة القيمة المضافة رقم 67 لسنة 2016، بتقول إن الشركات اللي بتمارس نشاط بيع سلعة عامة أو أداء خدمات بالفئة العامة، لما يبلغ حجم أعمالها 500 ألف جنيه سنويًا، يجب عليها التسجيل بالضريبة على القيمة المضافة وتحصيل وتوريد الضريبة بالفئة العامة للمأمورية المختصة، وكمان الأفراد والشركات اللي بتقوم بتقديم خدمات مهنية واستشارية، واجب عليها التسجيل اعتبارًا من تاريخ بدء النشاط، حسب اللي قاله رضا عبدالقادر، رئيس مصلحة الضرائب.

آحر كلمة: ماتفوتوش قراءة: فرض ضرائب على اليوتيوبرز والبلوجرز، إيه الحكاية؟

تعليقات
Loading...
Tweet
Share
Share
Pin