بتواجهي مشكلة في اختيارِك لِلبسك؟ جبنالك 5 أماكن لملابس محجبات على الموضة

لو إنتي محجبة، مش سهل تلاقي لبس على الموضة ويناسب الحجاب من غير ما تكوني مضطرة تلبسي أكتر من قطعة على بعض أو متلاقيش ستايل هدوم حلو وجديد ينفع تلبسيه بالحجاب، ومعظم المحجبات بيدوروا على لبس بخامة كويسة ومش شفاف ومش مفتوح، ودي بتكون معادلة صعبة إنك تلاقي كال المواصفات دي وتكون كمان على الموضة، علشان كده هنقولك النهارده على أماكن و براندات في مصر بتوفرلك هدوم بالمواصفات اللي بتدوري عليها ومناسبة للحجاب.

Prude Style

بيعملوا ستايلات كتير تناسب جميع الأوقات و المناسبات (شغل-جامعة-خروج-زيارات-سواريه للمناسبات) من فساتين و تيشيرتات سادة أو مطبوعة، وكمان أشكال مختلفة من Kimono وكمان الجيبات.

تقدري تتابعي صفحتهم على إنستجرام من هنا، وكمان تقدري تتابعي صفحتهم على فيسبوك من وتعرفي أماكن فروعهم وإزي تطلبي اونلاين.

Hijab Boutique

بيقدموا أنواع مختلفة للبس الكاجوال اللي هتحتاجيه كل يوم، بقطع متنوعة من بلوزات وجيبات بأشكال مختلفة سواء مطبوعة أو بقصات مختلفة، بالإضافة للفساتين والطرح.

وتقدري تتابعيهم علشان تعرفي تفاصيل أكتر عن كل كوليكشن وإزاي تقدري تشتري.

Coquillage

هتلاقي فيه ستايلات كتير متنوعة لكل المناسبات، بخامات مختلفة مريحة وأشكال كتير تقدري تختاري اللي يناسبك، وصفحتهم على فيسبوك هتعرفك إزاي تقدري تشتري منهم.

Ekhwat

متوفر عندهم أشكال وأنواع كتير للبس مناسب للمحجبات وكمان بيساعدوكي ازاي تعملي styling للهدوم على صفحتهم على إنستجرام.

Rihana Hejab Fashion

عن: انستجرام

باستايلات مختلفة أغلبها من الفساتين اللي على أحدث موضة، بيقدم البراند أنواع مختلفة من اللبس اللي بيناسب المحجبات في مناسبات كتير، أياً كان مشوارك هتلاقي حاجة تناسبه.

آخر كلمة: مبقاش صعب تختاري لبس يناسبك وفي نفس الوقت مريح ومختلف وعلى الموضة.

تعليقات
Loading...
Tweet
Share
Share
Pin