قصر الأميرة عائشة فهمي في الزمالك هو تحفة معمارية من طراز فريد. القصر واقع في واحدة من أرقى المناطق بحي الزمالك على النيل مباشرة ويستحق تزوره علشان تقدر تحكم بنفسك على الجمال المعماري اللي بيميزه.
القصر الضخم -واللي تم تشييده على الطراز الإيطالي في أوائل القرن العشرين- بيحتوي على 48 حجرة هتلاقي فيها إبداعات التصميم الإيطالي بتنوع غريب من نوعه، في الطابق الأرضي هتشوف ديكور وزخارف من أجمل ما يمكن دا بالإضافة لديكور الحوائط والشبابيك وحتى الأرضية وكل دا معمول بتفاصيل شديدة الدقة وبحس جمالي ولا أروع. القصر هيكون مفتوح للزيارة مجانًا كل يوم لحد 19 نوفمبر والمواعيد من 9 صباحًا لحد 9 مساءً.
لو كنت من هواة الفن، اوعى تفوّت معرض الفنان الرائع أحمد فؤاد سليم اللي هيفتح هناك قريبًا. أحمد من الرسامين المصريين الواعدين، وهو مش بس بيرسم هو كمان عنده شغف كبير بفن التصوير والأعمال ثلاثية الأبعاد بالإضافة إلى الشعر! اشتهر في الفترة الأخيرة بسبب دوره الفعال في حركة نقد الفن المصرية في السنين الأخيرة.. هو فنان متعدد المواهب بمعنى الكلمة.
تقدر تاخد لمحة عن جمال القصر في الصور الجاية.
