امتيازات المرأة السعودية توصل لقيادة القطارات فائقة السرعة

بدأت المرأة السعودية تحصل على الامتيازات اللي تستاهلها في ثورة حقوقية ماحصلتش قبل كده في المملكة، وفي 2018 حصلت السعوديات لأول مرة على حق الحصول على رخصة قيادة سيارة، بعد ما كان الحق ده حكر على الرجال بس.

وفي 2019 تخطت امتيازاتها قيادة السيارة ووصلت لقيادة الطيارات وبقى عندنا أول سفيرة سعودية بعد ما بدأت دخول مجال السياسة في المملكة بقوة، وحصلت على مناصب مهمة داخل الحكومة السعودية، فشاركت في مجلس الشورى والمجال الأمني، وبقى للمرأة السعودية حق في الوصول لمناصب عليا في قطاع التعليم، وقدرت ترشح نفسها لعضوية رئاسة البلدية.

عن: her-news

وفي 2022 نجحت 32 امرأة سعودية في اجتياز اختبارات التدريبات اللي حصلوا عليها علشان يتأهلوا لقيادة القطارات فائقة السرعة بين مختلف المدن السعودية، ودي المرحلة الأولى اللي كانت الدراسة فيها نظرية، واللي بدأت في شهر يناير اللي فات.

وبعد كده هتدخل المتدربات للمرحلة التانية من عملية التأهيل واللي هتستمر لمدة 5 شهور، وهتكون تدريبات عملية داخل مقصورة القيادة، وهيكون معاهم سواقين محترفين لتدريبهم على قيادة القطارات بشكل عملي.

السعوديات وقيادة القطارات
عن: 24.ae

والمفروض إن التدريبات في المرحلة التانية هتستمر لحد شهر ديسمبر الجاي، واللي بعده هتبقى المتدربات جاهزين لقيادة القطارات لوحدهم بين المدن السعودية، أول ما ينجحوا في الإختبارات اللي هتيجي بعد نهاية مرحلة التدريبات.

وجزء من التدريبات اللي بتخضع لها السعوديات في البرنامج ده بيشمل أنظمة المرور والسلامة ومخاطر العمل ومكافحة الحرائق والجوانب الفنية الخاصة بالقطار والبنية التحتية.

وفي خطة لقبول متدربات تانيين خلال الفترة الجاية علشان يزيد عدد قائدات وقائدي القطارات فائقة السرعة من السعوديين والسعوديات. ورغم إن القطارات فائقة السرعة تعتبر شئ جديد على المملكة العربية السعودية إلا إن من المتوقع إن استخدامها هيزيد بنسبة كبيرة جدًا في الطلب على السفر بين مدن المملكة بالذات في فترة الحج والعمرة.

آخر كلمة: ماتفوتوش قراءة: السعودية تُلزم مشاهير السوشيال ميديا بترخيص للإعلانات

تعليقات
Loading...
Tweet
Share
Share
Pin