من أول يونيو، منصة اليوتيوب فعلت نظام الضريبة، وعلشان كده لازم نعرف أهم نقاط أي صانع محتوى بيحقق دخل من المنصة يركز فيها.
الضريبة لليوتيوبرز اللي قنواتهم مفعلة للربح، يعني لو ماكانتش قناتك على اليوتيوب مفعلة للربح، موضوع الضريبة ده مش هيأثر معاك في أي حاجة.
إيه نوع الضريبة دي وقيمتها؟
الضرايب على الحصة المالية المكتسبة من تفاعل الجمهور الأمريكي فقط، يعني لو كل التفاعل عندك مالوش دعوة بالولايات المتحدة الأمريكية، يبقى ضريبة الـ 30% مش هتطبق عليك، في حين لو جزء مهم أو بسيط بيجيلك من برا، فخلي بالك علشان لما ينزلك خصم فجأة تبقى فاهم ده إيه.
لازم اليوتيوبرز يفهموا الكلام ده كويس، ومش بس اليوتيوبرز. أي صانع محتوى على أي منصة، وفي أي دولة لازم يعرف اللي بيحصل لإن دول كتير ومنصات تانية بتناقش تطبيق نفس الموضوع.
تطبيق الضريبة بعد ما الولايات المتحدة قررت إن ربح الإنترنت كبير جدًا وبالتالي قررت فرض ضرايب على يوتيوب عن طريق جوجل على كل اليوتيوبرز، سواء في الولايات المتحدة أو خارجها، ولكن الضريبة هيتم تطبيقها على حصة الربح اللي بتيجي لليوتيوبر من خلال المشاهدات اللي بتحصل من داخل الولايات المتحدة بس.
الضريبة هتوصل لـ ٣٠٪ حسب الـ Tax Treaty مع كل بلد، ولازم اليوتيوبر يعرف بلده وضعها إيه. مصر مثلًا إتفاقيتها على ١٥٪.
لازم تقدم إقرار لليوتيوب قبل يوم ٣١ وإلا هيحدد بنفسه النسبة، واللي ممكن توصل لـ 24% أو 30%.
الضريبة هتفرق على حسب انت شركة ولا محتواك شخصي، الشركات حسبتها أكبر و معقدة أكتر. وللأسف االلي بيحصل ده قانوني في ظل الرأسمالية الرقمية اللي بنعيشها.
تفاصيل تاني ممكن تحتاج تعرفها بخصوص ضريبة اليوتيوب
في تفاصيل ممكن ماتهمش حد لإن تبعيات الموضوع كتير سواء ضرر أو فايدة، بس في نقطة بعينها لازم نحذر اليوتيوبرز منها، الناس اللي على جروبات أو منصات ليها علاقة بالـ Spam و تبادل نقط البرامج اللي بتُستخدم في الـ Unethical Marketing، اليوتيوب هيبقى عارف ده.
الأبديت ده هيتم استخدامه في الـ Attack/Spam Generation campaigns. يعني اليوتيوبرز اللي بيفعلوا قنواتهم للربح بيعرفوا يوتيوب البلد اللي اليوتيوبرز دول منها، ومعنى كده إن اليوتيوبر مش هيعرف يغير بلده علشان يتفادى قانون أو ضرر معين، لكن للأسف أي برنامج سپام ممكن بأتفه VPN أو حتى الـ Embedded Function يزيف الڤيوز كإنها من الولايات، واليوتيوبر هيفرح بالعدد ولكن للأسف هيلاقي الضرايب عالية.
هتفرق في إيه؟ ما كده كده كل 100 دولار، اليوتيوبر واخد منها 70 ورايح 30 للضريبة
هو ده سؤال جميل. لكن اللي بيعملك سپام يوتيوب مش جاي يزودلك تفاعل، هو في الحقيقية جاي يزودلك الفيوز علشان اليوتيوب والـ AdSense هيكتشفوك ويطبقوا عليك العقوبات وساعتها هتفضلك الضريبة وهيتشال الربح من خلال طريقة اسمها view count gaming، وعقوبتها حذف الڤيديو قبل الـ Escalation واللي بعد الـ appeal وبعد أول Invisible Flag. بعد كده الأكونت هيتوقف هو والـ AdSense اللي هيعطلك حاجات تانية.
تقديم الضرايب ليه Billing cycle مختلفة عن الـ Cycle اللي بتستخدم في الدفع لليوتيوبر، لما يكتشفوا الموضوع انت هتتضر لكن ماحدش هيرجعلك ضريبة، لإن انت لو قبضت فلوسك فخلاص هتتعاقب و لو لسه فهم يقدروا يعطلوا استلامك لكن مش هيبعتوا لجهة تحصيل ضريبة تقرير تاني إنهم اكتشفوا غلطة في أرقام مش صح.
الـ Invisible Flag مش هيبان عندك على الصفحة لكن هيتحطلك على السيستم في الشركة إنك عملت الشيء ده قبل كده، وده بيفرق في الدعم اللي اليوتيوب بيقدمه لليوتيوبر لما بيتواصل مع المنصة علشان يحل مشكلة عنده. كمان بيعرض اليوتيوبر لحاجة اسمها الـ Segmentation Error. يعني مثلًا مثال لو عندك flag عن ترويج سلوك مخالف للمعايير والأخلاق، انسى تمامًا إنك توصل لشريحة دون السن وغيرها، لكن في الحالة دي أي زيادة مفاجأة في المشاهدات مثلًا هيتعملك Demote مؤقت لحد ما يتأكدوا الزيادة دي حقيقية ولا مزيفةوده هيعطل شغلك
قلنا رأيك في تفعيل نظام الضريبة على المحتوى الرقمي على اليوتيوب، ولو عندك نصايح تانية تقدمها لصناع المحتوى العرب علشان يعرفوا يتجنبوا أي مشاكل في شغلهم.