النهارده.. انطلاق أول دوري لكرة القدم النسائية في السعودية

السعودية النهارده هتكون قدام حدث رياضي تاريخي بيحصل لأول مرة، كان حلم قبل كده وهيبقى حقيقة النهارده، وهو انطلاق أول دوري لكرة القدم النسائية في السعودية للسيدات من سن الـ 17 لما فوق، وهينظمه الاتحاد السعودي للرياضة للجميع التابع لوزارة الرياضة، مع تطبيق كل الإجراءات الاحترازية لمواجهة انتشار فيروس كورونا.

وهيشارك فيه 24 فريق من كل مكان في المملكة، واتقسموا لتلات مجموعات (الدمام والرياض وجدة)، وهيتلعب الدور الأول كل منطقة مع بعضها، وبعد كده الفرق اللي هتتأهل هتلعب في الأدوار النهائية بنظام الفريق اللي هيخسر يخرج من البطولة، والجوايز قيمتها 500 ألف ريال سعودي للفرق الكسبانة.

وقرر الاتحاد السعودي للرياضة للجميع إن كل اللي يبقى مشارك في الدوري من الستات، وجابوا حكام نساء من لبنان، وكمان اختاروا مدربين ومراقبين الماتشات سيدات من الأردن.

عن DW

والدوري ده اتأجل مرتين علشان فيروس كورونا مرة في شهر فبراير السنادي، والتانية كانت الشهر اللي فات، بس الفرق اللي هتشارك استغلت التأجيل ده، ورفعت اللياقة البدنية، وزودت التمارين للاعبات علشان يوصلوا لمستوى عالي، في كمان فرق هتكتب أسماء اللاعبات بالعربي للمشاركة في مبادرة “عام الخط العربي” اللي أطلقتها وزارة الثقافة السعودية على سنة 2020.

آخر كلمة: ماتفوتوش قراءة: لأول مرة في مصر.. انطلاق دوري الوزارات لكرة القدم للرجال وتنس الطاولة للسيدات.

تعليقات
Loading...
Tweet
Share
Share
Pin