المصمم المغربي كريم الدوشي قرر يستخدم ورشته ويعمل كمامات للمحتاجين

كريم الدوشي هو مصمم مغربي وصل للعالمية بسبب تصاميمه الجميلة اللي مليانة عناصر من التراث البربري ولبسها مشاهير زي أنا دي رجك ورضوى محمد. لكن مؤخرًا بسبب جائحة “كوفيد-19″، مجالات كتير منها مجال الموضة وقفت، لكن ده موقفش كريم الدوشي من إنه يعمل حاجة إيجابية يقدر يساعد بيها المحتاجين.

في الشهرين اللي فاتوا دول، المصمم المغربي كرس ورشته لتصنيع كمامات وقائية مجانية عشان تحمي الأكثر تضررًا من مخاطر فيروس كورونا المستجد. الورشة بتتبرع بالكمامات اللي بتنتجها لمؤسسات مختلفة بتدعم المشردين والعائلات المحتاجة.

مش بس كدا، كريم رفع طريقة عمل ورشته للكمامات الوقائية على موقعه الشخصي عشان أي حد تاني حابب يصّنعها في بيته يقدر يعملها ويستفيد.

https://www.instagram.com/p/CADnOjrjuHJ/?utm_source=ig_embed

من ساعت ما انتشرت عدوى “كوفيد-19” وكتير من بيوت التصميم العربية بدأت تغير نشاطها وتساهم في إنها تصنع أقنعة وقائية وكمامات وجه أو لبس للأطقم الطبية.

أخر كلمة: لو عجبتك المقالة دي متنساش تشوف: بيوت الأزياء المحلية اللي حاليًا بيتبرَّعوا ب100% من أرباحهم لمواجهة الوباء.

تعليقات
Loading...
Tweet
Share
Share
Pin