المحافظ يعلن بداية الموجة الـ 18 للإزالات في أحياء القاهرة

اللواء خالد عبد العال، محافظ القاهرة، بدأ متابعة نشاطات مجموعة أحياء في القاهرة بهدف إزالة صور البناء المخالف والتعديات على أراضي الدولة وده بالتنسيق مع الجهات الأمنية المعنية.

ودي الموجة الـ 18 في مشروع الدولة للتصدي لمخالفات البناء والتعدي على أملاك الدولة. المشروع ده بيحاول ينظم صور العمران ويشكل خريطة بناء متحضرة ومدروسة أكتر لأحياء القاهرة.

بدأت الجهات الأمنية المعنية مراقبة الخريطة العمرانية لأحياء القاهرة، وتم بالفعل إزالة أجزاء كبيرة جدًا من البنايات غير القانونية في الموجات الـ 17 اللي فاتت للمشروع.

وبدأت الجهات المعنية في حي الشرابية توقف الأعمال المخالفة في بلوك 7ج مساكن شرق السكة الحديد، وأخدت الإجراءات القانونية الكاملة حيال المخالفين.

كمان بدأت عملية إيقاف أعمال بناء مخالفة وبدون ترخيص في حي حلوان، وبالفعل أخدت الجهات الأمنية التدابير المطلوبة مع المخالفين وبدأت عمليات الإزالة.

شدد المحافظ على السادة النواب والسادة رؤساء الأحياء التأكيد على الحملات اللي بتستهدف تطبيق كلمة القانون وإزالة مخالفات البناء بكل حزم في طريق تنفيذ توجيهات القيادة السياسية.

المشروع لو تم تطبيقه بشكل صح وقدرت الجهات الأمنية توقف أعمال البناء المخالف وتزيل البنايات المخالفة، هنقدر نوصل لخريطة عمرانية متحضرة أكتر لأحياء القاهرة وهنقدر نوصل لشكل جمالي يوصل أحياء القاهرة لجماليات العمران والشوارع المتحضرة.

نتمنى المشروع يكمل على خير من غير ما يحصل أي تضرر للسكان في المناطق اللي القانون هيتطبق عليها. ونتمنى السكان في الأحياء دي يقدروا يوصلوا صوتهم لو عندهم أي شكاوي، ويقدروا يتعاونوا مع الجهات الأمنية اللي بتطبق القانون علشان نقدر نطبقه في أحسن شكل ممكن.

آخر كلمة: ماتفوتوش قراءة: أبطال مصر في أولمبياد طوكيو 2021 على غلاف كتاب الإنجليزية لسنة تالتة ثانوي

تعليقات
Loading...
Tweet
Share
Share
Pin