القبض على 3 متهمين في حادثة إلقاء كمية كبيرة من لقاح كورونا في ترعة بالمنيا

من يومين شوفنا أخبار وصور عن إلقاء كمية كبيرة من جرعات لقاح فيروس كورونا في ترعة في المنيا، وكان حادث غريب مالوش تفسير واتفتح تحقيق عاجل في الواقعة، واتضح إن الجرعات صالحة للاستخدام وتم إهدارها بالشكل ده، ودي جريمة في ظل الظروف الصحية اللي العالم كله بيمر بيها سبب فيروس بيهدد العالم، والدول بتشتغل بكل جهدها لتوفير اللقاحات المختلفة للمواطنين، وفي وسط كل ده نلاقي أكتر من 20 ألف جرعة مرمية بالشكل ده وهي صالحة للاستخدام!

وفقًا لبيان أصدرته النيابة العامة، فالنيابة عاينت محل الواقعة وتبين إن العبوات مخصصة لمديرية الصحة في المنيا، وانتقلت لمحل إيداعها في المديرية وتم الاطلاع على اللي سجلته آلات المراقبة هناك، وتم سؤال عدد من مسئولي المديرية وأفراد الأمن بالمخازن، وتم تشكيل لجنة لجرد المخازن، وتبين بالفعل وجود عجز فيها.

التحقيقات توصلت لإن الكميات الكبيرة من لقاح كورونا اللي تم العثور عليها ملقاة، استلمها صيدلي مفوض من مديرية الصحة بالمنيا من هيئة المصل واللقاح بالقاهرة، وقدمها لقائد سيارة تابعة لوزارة الصحة علشان ينقلها لأمين مخازن المديرية، من غير ما يركب السيارة، فسلمها قائد السيارة لأمين المخازن وتم إيداعها بالثلاجات المخصصة، دون حصرها، وفي غياب الصيدلي المفوض بالتسليم والتسلم.

التحريات توصلت لإن الإهمال الكبير من الصيدلي وأمين المخازن هو اللي اتسبب في فقد كمية العجز من المخازن، فأمرت النيابة بالقبض عليهم ومعهم قائد السيارة، وتم مخاطبة شركات الاتصالات للاستعلام عن سجل المكالمات والمحادثات الصادرة والواردة لتليفونات المتهمين ونطاقها الجغرافي.

آخر كلمة: ماتفوتوش قراءة: فايزر ولا سينوفارم؟ دراسة عربية بتوضح اللقاحات الأكثر فاعلية من غيرها

تعليقات
Loading...
Tweet
Share
Share
Pin