مشروبات بتبقى هي ملجأنا الوحيد في فصل الشتا

الشتا تفاصيله كتير وكلها بنحبها وبنستناها، مع السقعة والتكتكة اللي بنبقى فيها في فصل الشتا، بنبقى محتاجين حاجات سريعة تدفينا وفي نفس الوقت تدينا طاقة، ومفيش أحسن من المشروبات دي اللي بنجري عليها وبنلجأ لها في الوقت ده.

السحلب

عن: just food

بعيدًا عن إنه من المشروبات اللي بتدفي بس هو كمان بيقوي المناعة وبيساعد في تحسين الحالة المزاجية وتنشيط الدورة الدموية، وممكن نزينه بأكتر من طريقة سواء بجوز الهند أو المكسرات، وسبب ريحته الحلوة إن أصله من نباتات الزينة واللي في منها لها ريحة حلوة وقوية.

حمص الشام

عن: شملولة

بتعتبر من المشروبات الشعبية المفضلة عند المصريين بالذات، وجزء من الفلكلور المصري هي والعربية، ومشروب رسمي لكل الناس اللي بتحب تتمشى على الكورنيش.

الشاي باللبن

بيعتبر من المشروبات المحببة عند ناس كتير سواء في الصيف أو في الشتا، الناس على السوشيال ميديا بيمجدوا وبيكرموا المشروب ده وكمان وصفه بإنه مشروب الناس البريئة “ودي طبعًا نظرية من وجهة نظرهم ومالهاش أي علاقة بأي مصدر علمي بيقول الكلام ده” بس حلو التشبيه!

شوربة العدس

الطبق ده له مكانه خاصة في قلوب المصريين، بيعتبر الراعي الرسمي لفصل الشتا، غنوله قبل كده أغنية “العدس الليلة يوم عيده” علشان يعبروا عن مدى ارتباطهم بالطبق ده، وده لإن مصر بتعتبر من أوائل الناس اللي زرعته من آلاف السنين، غير إنه بيدفي جدًا وبيدي طاقة، بنعتبره كمان من الأكلات اللي بتشبع خصوصًا إننا دايمًا بنجوع في الشتا بدون سبب.

الهوت شوكليت بالمارشيملو

عن: momes

من المشروبات السخنة اللذيذة واللي بيحبها الكبار والصغيريين، وممكن نشربها لوحدها أو بالمارشيملو.

اليانسون

بيعتبر من الأعشاب الطبيعية لعلاج نزلات البرد والتهابات الحلق اللي ممكن تحصل لنا في فصل الشتا، فغير إنه بيدفي فهو كمان مفيد جدًا وبيعالج من بعض المشاكل التنفسية خصوصًا لو اتشرب مع معلقة عسل وعود قرفة.

القرفة بالحليب

غير إنه بيدفي بسرعة فبيحتوي على العديد من الفيتامينات منها الكالسيوم وفيتامين B12 ومجموعة من المعادن.

أخر كلمة: ماتفوتوش قراءة: رمضان والدايت: مشروبات مختلفة هتساعدك على حرق الدهون

تعليقات
Loading...
Tweet
Share
Share
Pin