السعودية: من خلال تطبيق “مقام” تقدر تخلص كل إجراءات العمرة في ثواني

في الوقت اللي بتفتح فيه المملكة العربية السعودية أبوابها على سعتها للترحيب بالسياح من مختلف البلاد والثقافات علشان يتعرفوا على امكانايتها السياحية وتنوعها الثقافي، اطلقت وزارة الحج والعمرة منصة جديدة ثورية لتسهيل إجراءات السياحة الدينية في المملكة اللي تعتبر أرضها واحدة من أهم وجهات السياحة الدينية في العالم، واللي بيدخلها ملايين من مسلمين العالم كل سنة علشان يزوروا بيت الله الحرام.

وفي السياق ده وضحت وزارة الحج والعمرة في المملكة العربية السعودية عن إطلاق منصة إلكترونية جديدة اسمها “مقام“، واللي بتسهل على المعتمرين اللي جايين من خارج المملكة يقدموا على إجراءات العمرة بشكل بسيط وسريع في دقايق معدودة. ويقدر المعتمرين يختاروا من خلال تطبيق “مقام” بين مجموعة متنوعة من باقات العمرة.

ويقدر المعتمر يختار، من خلال التطبيق الجديد، أي منصة من منصات الوكلاء المعتمدين سواء في بلده أو في السعودية، علشان يقدر يحجز الخدمات اللي محتاجها سواء من خدمات السفر للمملكة او التنقل الداخلي والسكن أو الزيارات السياحية. ومن خلال الحصول على رقم مرجعي لطلب التأشيرة، يقدر المعتمر يدخل على منصة التأشيرات الوطنية لاستكمال نموذج طلب التأشيرة وطباعتها.

وتستمر تأشيرة العمرة لمدة 90 يوم من لحظة اصدارها، ويقدر يتنقل المعتمر باستخدمها بين مختلف مدن المملكة علشان يتعرف على تاريخها وتنوعها الثقافي. وكل التفاصيل والاجراءات اللي محتاجها المعتمر لاستخراج التأشيرة دي يقدر يلاقيها على تطبيق “مقام”، واللي يقدر يدخل عليه من أي بلد في العالم ويخلص كل التفاصيل خلال أقل من 24 ساعة. بعد ما كانت التفاصيل دي بتحتاج لـ14 يوم، وجهد كبير من ناحية المعتمرين الراغبين في زيارة المملكة بهدف الحج أو العمرة.

ويقدر المعتمر كمان يحجز تذاكر الطيران ويختار مسار الرحلة بين مكة المكرمة وجدة والمدينة المنورة، ويحجز خدمات النقل الداخلي في المملكة، بالإضافة لإمكانية حجز الإيواء السكني، وارسال طلب التأشيرة لوزراة الخارجة حيث منصة التأشيرات، كل ده من خلال المنصة الجديدة، بالإضافة لإمكانية دفع كل المصروفات المطلوبة من خلال خدمة الدفع الإلكتروني باستخدام بطاقات الدفع، واللي بيوفرها التطبيق الجديد بسلاسة.

آخر كلمة: ماتفوتوش قراءة: في 27 سبتمبر: إيه المتاحف والقلاع المصرية اللي ماينفعش تفوت زيارتها

تعليقات
Loading...
Tweet
Share
Share
Pin