الرقص الشرقيّ وأبرز الفنانات العربيات اللي وراه

في بدايات القرن العشرين، مصر كانت متصدرة المشهد الفني لكذا لون من الفن اللي ساهم في نمو وإنتشارهم، بس يمكن أكتر فن تطور و فضل موجود لحد وقتنا ده هو الرقص الشرقيّ. حاليا ً، مش بس مصر والعالم العربيّ اللي فيهم رقص شرقيّ، ده العالم كله بقى مسحور بالنوع ده من الفن.

دلوقتي، دول العالم كلها بتطلع كل سنة مئات من الراقصات الشغوفات بالرقص الشرقيّ، ده حتى دول زي روسيا وأوكرانيا بتنتج مواهب قادرة على منافسة النظير العربيّ، بس كل ده مكانش هيبقى موجود لولا مجموعة من الراقصات الرائدات اللي بفنهم وموهبتهم شكلوا المجال ورسموا قواعده.

بديعة مصابني

خلال عشرينات القرن الماضي، بديعة مصابني كانت إسم على علم و ده مكانش بس بسبب موهبتها في الرقص الشرقيّ، لكن برضه لكونها من أبرز رواد الأعمال في الفترة دي عشان قدرت تفتتح أكتر من كاباريه وملهى ليلي ناجح.

سامية جمال

سامية جمال تعتبر من أشهر وأحسن الراقصات في تاريخ فن الرقص الشرقي، هي كانت من أول الراقصات اللي دخلوا في مجال التمثيل، وتعتبر أول راقصة في التاريخ ترقص وهي لابسة كعب عاليّ.

نعيمة عاكف

من مواليد طنطا 1929، نعيمة عاكف كانت من أشهر الراقصات اللي مثلوا في العصر الذهبي للسينما المصرية، حبها للرقص الشرقيّ بيرجع لأهلها اللي كانوا مؤديين في سيرك عاكف، واحد من أشهر السيركات في الفترة دي.

تحية كاريوكا

ممثلة مبهرة وراقصة زي الكتاب ما قال، تحية كاريوكا هي أشهر راقصة في تاريخ العالم العربيّ كونها واحدة من الفنانات اللي وصلوا الرقص الشرقيّ للشكل اللي إحنا شايفينه دلوقتي. تحية كاريوكا أدت في كل الدول العربية في محاولة منها لنشر النوع ده من الفن في مختلف أقطار الشرق الأوسط.

سهير زكي

سهير زكي مش بس راقصة موهوبة، هي برضه ممثلة شاطرة ظهرت في أكتر من 100 فيلم في العصر الذهبي للسينما المصرية.

آخر كلمة: مين أحسن واحدة فيهم بالنسبالك؟ عرفنا في الـ comments section.

تعليقات
Loading...
Tweet
Share
Share
Pin