مهرجان الأطفال للأفلام في دورته الخامسة: إيه الأفلام المشاركة وشروط التقديم

مهرجان الأطفال للأفلام، اللي بيهدف لتنمية وتعزيز مواهب الطفل، هيقام في دورته الخامسة، من يوم 25 من شهر نوفمبر الجاري لحد يوم 27 من الشهر، والمهرجان بيعرض أفلام كتبها الأطفال من جميع أنحاء العالم، وده اللي بيشجع أي طفل من أي بلد إنه يكتشف موهبته ويعرضها في مهرجان كامل، وهو فرصة كبيرة لأي طفل إنه يعرض فنه للعالم، ولكن بسبب ظروف وباء كورونا، فقررت المخرجة ماجي أنور مؤسسة المهرجان إن النسخة دي تبقى “أونلاين” عن طريق صفحة المهرجان على الفيسبوك، حفاظًا على سلامة الأطفال ومنعًا لتفشي الوباء.

وخلال الدورة دي، أفلام كبيرة من اللي حصلت على جوايز دولية هتشارك في المهرجان علشان الكل يستمتع بيها، واللي بمثابة دليل حي على إن الأعمال اللي بتتناول قضايا الأطفال واهتماماتهم، متقلش أهمية عن أي مواضيع تانية بتتطرح في الأعمال العادية.. فتعالوا نشوف بعض الأفلام المهمة اللي هتشارك في الدورة دي من المهرجان.

الفيلم الأسباني “Piccolino”

الفيلم الأسباني Ian

الفيلم الفرنسي Un jour exceptionnel

الفيلم السويسري “The little bird and the bees”

أما بالنسبة لطريقة الاشتراك، فالأطفال من سن 5 لسن 16 بيبعتوا فيديو لأي موضوع هما بيختاروه، وبيتم تصويره عن طريق الموبايل، وتكون مدته مش أكتر من 5 دقائق وكمان بيبعتوا معاه مقال نقدي عن أي فيلم هما اتفرجوا عليه سواء من المهرجان أو غيره، وبيبعتوا كل ده على الإيميل الخاص بالمهرجان ومعاه موافقة الأهل بمشاركة الطفل في المهرجان.

آخر كلمة: خيال الطفل مالهوش حدود.. ممكن يطلعلنا أحلى قصص!

تعليقات
Loading...
Tweet
Share
Share
Pin