الخلاف بين الشرنوبي وسارة الطباخ.. إيه الحكاية؟

بسبب تطورات حكم المحكمة، اشتعلت من جديد أزمة الخلاف بين الفنان محمد الشرنوبي والمنتجة سارة الطباخ، والبوست اللي كتبه الشرنوبي بناءً على الحكم، ورد سارة، لكن الأزمة مش جديدة، وابتدت من سنة، بسبب خلافات على إدارة أعمال الشرنوبي اللي كانت مسئولة عنها سارة الطباخ وشركتها، إيه الأزمة وبدأت إزاي ووصلت لفين؟

البوست بعد حكم المحكمة اللي جدد الأزمة بينهم..

الحمدلله الحق ظهرتم صدور حكم فى الجنحة رقم 1626 لسنة 2020 جنح الشيخ زايد بحبس الممثله القانونية لشركة ادارة اعمالي…

Posted by Mohamed El Sharnouby on Monday, January 18, 2021

وردت سارة الطباخ بعدها ببوست..

بالمستندات …الحكم غيابي ومن حقي استلام المبالغ وساقاضي الفنان بتهمة التشهير أكدت أية سعد محامية المنتجة سارة الطباخ…

Posted by Sarah El Tabakh on Monday, January 18, 2021

الحكاية ابتدت لما الشرنوبي رفع قضية بيطالب فيها بفسخ عقده الحصري مع سارة الطباخ من أكتر من سنة، بعد فسخ خطوبتهم بسبب خلاف حصل بينهم علشان منع حفلته في الأوبرا والتحكم في ظهوره الإعلامي باعتبارها المسئولة عن إدارة أعماله بشكل حصري حسب العقد اللي بينهم.. محمد الشرنوبي صرح بإنه مضى على العقد بسبب حبه لسارة، وساعتها كان الاتفاق هو إنه لو حس إنه عايز يمشي، سارة وعدته بإنها هتسلمه العقد، لكن بعد الخلاف وبعد ما العلاقة انتهت، المنتجة سارة الطباخ رفضت تسلم الشرنوبي العقد.

ومن بعدها، أكد الشرنوبي على وجود خلافات بينهم ووصفها بإنها استغلته، ووضح على صفحته على فيسبوك، إن العقد اللي بينهم بينص على إن شركتها تحتكر إدارة أعماله لمدة 10 سنين، قضى منهم أقل من سنتين، وإنه مش من حقه التعاقد على أي عمل فني على مستوى الغناء أو التمثيل إلا من خلال شركة سارة الطباخ، وقال الشرنوبي إن سارة افتعلت مشاكل بينه وبين صحابه، وبعدها حصل تعهد بالصلح بينهم بإنها هتسدد كل فلوسه، لكنها مانفذتش الاتفاق ده.

آخر كلمة: بنتمنى كل الخلافات دي تنتهي أيًا كان مين فيهم صح ومين غلط.



تعليقات
Loading...
Tweet
Share
Share
Pin