إزاي تقدر تحمي نفسك في وقتنا ده؟ شوية حيل تقدروا تستخدموها لو اتحطيتوا في موقف خطير!

في وقتنا الحالى، ضروري جدًا نعرف إزاى ممكن نتصرف في المواقف الخطيرة للحفاظ على سلامتنا. ومش بس لازم نكون متيقظين طول الوقت، ولكن كمان لازم نتعلم شوية تقنيات هتسمحلنا بالهروب والدفاع عن نفسنا في المواقف اللى بتهدد حياتنا. 

 الدفاع عن النفس هو فن ضرب المهاجم بغض النظر عن قوته الجسدية ومن غير الحاجة لاستخدام السلاح، ومش بيعتمد على القوة لكن على السرعة والجرأة في المواقف الخطيرة.

جامعة أوريغون شاركت دراسة عن بعض تقنيات الدفاع عن النفس اللي ممكن تساعدك لو اتعرضت للهجوم أو التهديد.

ثني الإصبع للخلف تجاه المفصل هيأدى لألم شديد، وده هيسهل الهروب من المهاجم 

لو حاول المهاجم يمسكك من رقبتك، استخدم إصبعي السبابة والوسطى لطعنه في الحلق أو العينين

إمسك المهاجم من شعره، واسحب رأسه لتحت وإضرب ركبتك بأقصى قوة في الوش

 

عُض أي جزء من الجسم يقرب من وشك، ده حل عملى حتى لو إيدك مربوطة

 

الركلة المفاجئة هتسبب ألم شديد للمهاجم وهتسمحلك بالتخلص من قبضته

لو اتمسكت من الخلف، ممكن كمان تضربه بكوعك أو تقرصه

من أكتر الوسائل فعالية في مواجهة المهاجم هى الركلة في الفخذ أو الأعضاء التناسلية

افتكر دايماً إن الدفاع عن النفس هو تكيف ذكي مع المواقف اللى بتعرضك للخطر. و مش ضروري أبدًا معرفة فنون الدفاع عن النفس عشان تعرف تدافع عن نفسك.

ومع كده، افتكر إن أفضل حماية هي الوقاية، عشان كده حاول تمنع أو تتجنب حدوث الخطر: 

١- لو حد قرب منك وشكله كان مريب، امشى في اتجاه تانى.

٢- ما تدخلش بيتك أبدًا لو حد ماشى وراك.

٣- ماتدخلش بيتك لو لقيت الباب مكسور أو حد حاول يفتحه بالقوة. اتصل بالشرطة على طول.

٤- متروحش أجهزة الصراف الآلي (ATM) بالليل. 

٥- ماتوقفش بعربيتك في الشارع لفترة طويلة فى مكان ضلمة.

٦- ماتمشيش بشنطة على جانب الطريق.

٧- حط مفاتيحك بين صوابعك وإنت ماشى؛ ممكن تستخدمها ضد مهاجم أثناء الدفاع عن النفس.

٨- ماتمشيش في الشوارع الضلمة والفاضية، حتى لو كانت أقصر الطرق.

٩- ماتتوترش وتفقد اعصابك. التحكم فى النفس مهم جدًا فى المواقف دى. 

آخر كلمة: بنتمنى إنكم ماتضطروش أبدًا لاستعمال النصايح دى! 

تعليقات
Loading...
Tweet
Share
Share
Pin