إحساس بالفخر: ردود أفعال النجوم والمشاهير على موكب المومياوات الملكية

حالة من الإحساس بالفخر وبعظمة حضارة عملت التاريخ، مسيطرة على المصريين كلهم وكل اللي بينتمي لبلدنا، حدث عالمي شهده العالم الحديث لملوك العالم القديم، جمع بين عظمة أجداد بنفتكر أمجادهم، وبين الأحفاد اللي بيكملوا مسيرتهم، السوشيال ميديا كلها ماكنش فيها حاجة غير الكلام عن الحدث ده، والمشاهير والنجوم عبروا عن إحساسهم بالفخر للانتماء لمصر والانتماء لحضارة وأجداد بنوا التاريخ، تعالوا نشوف عبروا إزاي بطرق مختلفة.

محمد رمضان استغل الأجواء دي واحتفل على صفحته على انستجرام بجزء من أغنية له بطريقة فرعونية.

ونجوم كتير نزلوا صور ليهم بالشكل الفرعوني، وفيها كتبوا كلمات بتعبر عن إحساسهم.

فعاليات موكب المومياوات الملكية مبهرة ومشرفة لكل مصري، وتحية خاصة للاوركسترا المصرية بقيادة المايسترو الكبير الفنان نادر عباسي.. تحية لكل شخص قام بدوره على أكمل وجه.🇪🇬❤️

Posted by Hamza Namira on Saturday, April 3, 2021

وكتير كتبوا عن إنهم مش عارفين يوصفوا إحساسهم إزاي وعبروا بطريقة دمها خفيف، وفيه اللي عرفوا يعبروا بشكل صح ويوصف اللي كلنا مش عارفين نوصفه.

ماعرفش أفتكر عدت كام لحظة فخر وقشعريرة وأنا بتفرج على حدث اليوم، في أيام كده بفتكر قد إيه بحب البلد ديه لدرجة إني حاسس إني عايز أنزل أشتري بوكيه ورد وأديهولها.

Posted by Amr Salama on Saturday, April 3, 2021

طيب انا بغني النشيد الوطن" بلادي بلادي " وانا بعمل الاكل دلوقتي لية طيب 🇪🇬❤️❤️❤️

Posted by Toni Maher on Saturday, April 3, 2021

العرض عمل حاجة مهمة جداً و هو انه دمج عناصر من الحضارة القديمة بعناصر من الفن المصري الحديث في بعض تجلياته اللي زي…

Posted by Hossam Elouan on Saturday, April 3, 2021

غير النجوم اللي شاركوا في الحدث العظيم ده، وبعدها عبروا عن سعادتهم بالمشاركة في الحدث العظيم ده..

حدث خلانا كلنا نحس بقيمة حضارتنا القديمة وبيفكرنا دايمًا إننا نقدر نعمل كتير ونبني تاريخ، وده مش جديد علينا كمصريين، فخورين بكل حاجة حصلت في الموكب المشرف ده، وبنتمنى نشوف دايمًا بلدنا بتقدم أحداث تبهر العالم كله وتليق بقيمة بلد زيّ مصر.

آخر كلمة: يمكن يكون أهم حدث في السنة دي.. قولونا إزاي الحدث ده أثر فيكم.

تعليقات
Loading...
Tweet
Share
Share
Pin