“أنا بعمل دا”: جروب مصري على موقع فيسبوك أسسته النساء لخدمة النساء

     أحسن طريقة لتشجيع المرأة هي قصص نجاح النساء الآخرين.

رانيا عاطف، مؤسس جروب على موقع فيسبوك بعنوان “أنا بعمل دا” أو “I make this”، أكدت الحقيقة دي. رانيا بتشتغل مصورة عائلات وبتنتقل في شغلها ما بين لندن وموسكو والقاهرة. أسست الجروب في شهر ديسمبر 2019 بعد ما لاحظت إن تقريبًا مفيش أي منصة للسيدات في مصر لعرض شغلهم بلا مقابل.

في أسبوعين بس، أصبح عدد أعضاء الجروب 50 ألف عضو، وطبعًا اتشهر بشكل سريع جدًا في دوائر التجمعات النسوية والمهتمين بحقوق المرأة.

حاليًا الجروب بيضم أكتر من 97 ألف عضو. رانيا بتوصف الجروب على إنه “سوق شامل للسيدات المبدعات”. الجروب بيتضمن صناع مجوهرات، منظمي حفلات، فنانين، طباخين، مصممين وعشرات الأشغال الأخرى.

وصف الجروب على موقع فيسبوك هو “جروب للسيدات اللي بتقدم خدمة أو سلعة وبتبيعها، تقدر تعلن عنها داخل الجروب بالمجان، لتسهيل العملية بعد ما أصبحت الإعلانات على الجروبات المختلفة داخل الموقع غالية بشكل مبالغ فيه!”.

الجروب كمان فيه سيدات مش بالضرورة عندهم مشاريعهم الخاصة، بس بينضموا بغرض التعرف على الأشغال دي ورؤيتها.

آخر كلمة: يلا نشجع المواهب دي!

تعليقات
Loading...
Tweet
Share
Share
Pin