“أماكن السهر”: الهضبة رجع بأغنية جديدة، والمرة دي الكليب بطولته هو ودينا الشربيني..

أطلق الميجا ستار عمرو دياب  من شوية كليبه الجديد “أماكن السهر” على حسابه في موقع يوتيوب بعد أيام من نزول برومو للكليب على صفحاته الرسمية على السوشيال ميديا. الأغنية من كلمات تامر حسين وألحان عزيز الشافعي وتوزيع أسامة الهندي. الكليب تم تصويره في الساحل الشمالي ومن إخراج المخرج “أحمد النجار” واللي دي تعتبر الغنائية الأولى للنجار والأولى له مع عمرو دياب ومدير التصوير للكليب هو مازن المتجول.

الكليب كان من بطولة الفنانة دينا الشربيني واللي كان ظهورها مميز لأن اول مرة نشوفها في عمل استعراضي غنائي وكمان شاركت في الرقص. وظهر في الكليب برضه المدير التنفيذي لمهرجان الجونة السينمائي عمرو منسي واللي يعتبر من الأصدقاء المقربين للهضبة.

الأغنية نزلت على منصة انغامي قبل أيام والكليب حقق خلال ساعتين من نزوله على يوتيوب أكتر من ٢٠٠ الف مشاهدة رغم تسريبه قبل أيام من نزوله على بعض المواقع والصفحات. وده كان كلام تامر حسين على صفحته بعد تسريب الكليب على صفحته على الفيسبوك وطالب الناس تستنى النسخة الأصلية وتدعم صناع العمل. 

والهضبة عمرو دياب هيقدم مفاجأة لمحبيه بأن الكليب هيتعرض في دور السينما المصرية عشان يبقى ثالث كليب عمرو دياب يطرحه في السينمات بعد كليب نور العين في ١٩٩٦ وكليب وماله في ٢٠٠٥.

الكليب جميل ومبهج وبيدخلنا في أجواء الصيف اللي دايما  ما كانت مرتبطة بكليب والبوم عمرو الدياب.  ومع نزول الكليب عبر جمهور عمرو دياب عن اعجابهم بالكليب واسم “أماكن السهر” بقى تريند على تويتر وكمان عبروا عن اعجابهم بدينا الشربيني . ودي مجموعة من الآراء عن الكليب من على موقع تويتر:

الصيف ده الهضبة ظهر فيه بقوة فبعد أغنية “مالك غيران” و”يا بلدنا الحلوة” وإعلان شبكة نتفليكس عن مسلسل جديد لعمرو دياب على المنصة العالمية بينزل النهاردة الهضبة بـ hit الموسم كليب “أماكن السهر”. كمان بيحضر الهضبة حاليًا لأول حفلة له في مصر بعد جائحة كورونا واللي هتكون الجمعة القادم ٢٨ أغسطس في مدينة العلمين الجديدة الحفلة هتكون مقصورة على حاملي الدعوات وهتكون طبقًا للإجرائات الاحترازية  وهيتم بث الحفلة اونلاين مجانًا للمتابعين.

الصيف مبيكملش من غير حفلة الهضبة 🌊🎉Vodafone MUSIC جابتلك اول حفلة اونلاين لـ #عمرو_دياب الصيف ده لحد عندك، علشان تتفرج عليها ببلاش 😍🎶 نزل تطبيق انا ڤودافون و استنى معاد الحفلة قريبVodafone Egypt

Posted by Amr Diab on Sunday, August 23, 2020

آخر كلام: فعلًا الصيف مايحلاش غير بمزيكا الهضبة عمرو دياب. 

تعليقات
Loading...
Tweet
Share
Share
Pin