موسم عيد الفطر 2025 جاي بقوة، والنجوم الشباب مستعدين للسيطرة على شباك التذاكر بأفلام هتشعل الأجواء! من شغب المدارس وصداقات في فيلم “الصفا الثانوية بنات”، لقصص الحب العصرية في فيلم “ريستارت”، ولغز فيلم “السيكو سيكو” اللي هيخليك على أعصابك.
أما أجواء الصيف فليها نصيب مع أفلام بتاخدنا للساحل الشمالي في مغامرات مليانة ضحك وإثارة في فيلم “نجوم الساحل”. استعد، لأن السينما السنة دي مش هتسيبك تاخد نفسك!
لا تفوّت قراءة: كيف نجح مصطفى غريب في التسلل إلى قلوب الجماهير؟ السر في خلطة الكوميديا
فيلم “نجوم الساحل” في عيد الفطر .. مغامرة صيفية لا تفوّت!
فيلم شبابي كوميدي بأجواء الصيف المنعشة، تدور أحداثه في الساحل الشمالي، حول قصة حب بين أحمد داش ومايان السيد.
يسافر الشاب مع صديقه في رحلة للساحل، لتبدأ مغامرات غير متوقعة ومواقف كوميدية تقلب الأحداث رأسًا على عقب.
يحاولان التأقلم مع الأجواء الجديدة، لكن فجأة يجدان نفسيهما في تحدٍ كبير لتنظيم حفلة ضخمة يحضرها الجميع.
الفيلم يجمع بين الكوميديا والمغامرات الشبابية، وبطولة أحمد داش، مايان السيد، وعلي صبحي، مع ظهور خاص لمغني الراب فليكس.
من تأليف محمد جلال وكريم يوسف، وإخراج رؤوف السيد، وإنتاج طارق العريان وموسى عيسى.
لا تفوّت قراءة: أجمل “دويتوهات الحب” في دراما رمضان 2025.. ثنائيات خطفت قلوبنا
فيلم “سيكو سيكو” في عيد الفطر .. لغز لازم يتحل!
فيلم كوميدي بتوابل التشويق، أعلن عنه عصام عمر بجملة غامضة: “السيكو سيكو فكرة.. وقربت أوي! جهزوا نفسكم”.
تدور الأحداث حول شابين، واحد شغال في شركة شحن، والتاني غرقان في عالم ألعاب الفيديو، لحد ما يتورطوا في مشكلة خطيرة!
طول الفيلم هتفضل تفكر.. إيه هو “السيكو سيكو”؟ وليه هو سر العنوان؟ المغامرة مليانة ضحك وأحداث غير متوقعة.
الفيلم بيجمع عصام عمر وطه الدسوقي لأول مرة، ومعاهم باسم سمرة، خالد الصاوي، تارا عماد، وديانا هشام.
التأليف لمحمد الدباح، والإخراج لعمر المهندس، وده بعد نجاح عصام عمر في “البحث عن منفذ لخروج السيد رامبو”.
“الصفا الثانوية بنات” .. علي ربيع وسط شغب جيل Z!
في فيلم جديد مليان كوميديا وأحداث غير متوقعة، بيظهر علي ربيع كمدرس طموح، لكنه بيلاقي نفسه وسط مدرسة بنات مشاغبات!
كل يوم بيواجه شغب وطرائف ما بتخلصش، فهل هيقدر يسيطر على جيل Z بطريقتهم؟ ولا هيتحول لفريسة لمقالبهم؟
الفيلم بيضم سارة الشامي ومعاها نجوم الكوميديا زي أوس أوس، بيومي فؤاد، محمد ثروت، وهالة فاخر، والإخراج لعمرو صلاح.
ومفاجآت الفيلم مش بتخلص، لأن عصام الحضري بيظهر كمدرب فريق المدرسة، وأحمد حاتم كضيف شرف!
فيلم “ريستارت” في عيد الفطر.. تامر حسني للمرة الثانية مع هنا الزاهد
النجم تامر حسني راجع بقوة في عيد الفطر 2025 بفيلم “ريستارت”، وبيجمعه للمرة التانية مع هنا الزاهد بعد نجاح “بحبك”.
الفيلم بيقدم جرعة رومانسية اجتماعية، وبيحكي عن مهندس غني بيقع في حب فتاة شعبية، فهل الحب هيقدر يتحدى الفوارق؟
معهم في البطولة محمد ثروت، والفيلم من تأليف أيمن بهجت قمر وإخراج سارة وفيق.
هل “ريستارت” هيعيد تشغيل الرومانسية على الشاشة؟
فأر بـ7 أرواح – رحلة البحث عن جثة!
“تفتكروا اللي عايز يشتري جثه هيبقى عايز يعمل ايه؟” جملة تشويقية بدأ بها إعلان فيلم فار بـ7 أرواح، ليبدو الأمر وكإنك تخوض رحلة في البحث عن جثة!
يعتمد الفيلم على البطولة الجماعية وتضم في قائمة أبطاله نحو 22 نجم ونجمه منهم: أحمد فتحى، سليمان عيد، إدوارد، ندي موسى.
ويزو، فرح الزاهد، لينا صوفيا، محمد لطفى، محمد رضوان، علاء مرسى، أوتاكا، محمد الصاوى، طاهر أبو ليله، نجم الغناء الشاب مصطفي عنبه.
وهو قصة محمد فتحي وسيناريو وحوار محمد فاروق شيبا وإخراج شادي علي وتدور أحداثه في إطار كوميدي.